काठमाडौं (हाम्रो खेलकुद) – मलेसियामा जारी एसीसी यु-१९ युथ एसिया कपअन्तर्गत सेमिफाइनलमा भोलि नेपाल र अफगानिस्तान भिड्दै छन् । नेपाल समूह ‘ए’को उपविजेताको रुपमा सेमिफाइनल प्रवेश गरेको हो भने अफगानिस्तान समूह ‘बि’ को विजेताको रुपमा छनोट भएको हो ।
प्रशिक्षक विनोद दास :
भोलि हाम्रो लागि सबैभन्दा महत्त्वपूर्ण खेल हुने छ । उनीहरु केहि समययता निकै राम्रो खेलिरहेका छन् र हामीलाई पनि हालसालै दुई पटक हराइसकेका छन् । तर, भोलिको अवस्था फरक छ ।
पछिल्ला तीनवटै खेलमा हामी ब्याटिङ, बलिङ र फिल्डिङमा बलियो देखिएको छौँ । त्यहि पनि भोलिको खेल गाह्रो नै हुने छ । हाम्रो योजनाहरु छन् र त्यसअनुसार नै हामी खेल्न प्रयास गर्ने छौँ ।
वक्तिगत रुपमा हेर्ने हो भने, सबै खेलाडिलाई आफ्नो दायित्व थाहा छ । प्रेसर केहि छैन । सबैले खुलेर आफ्नो गेम खेल्ने छन् ।
