काठमाडौं (हाम्रो खेलकुद) –  मलेसियामा जारी एसीसी यु १९ युथ एसिया कप अन्तर्गत दोस्रो सेमिफाइनलमा अनिल कुमार शाहले अफगानिस्तानविरुद्ध अर्धशतक पुरा गरेका छन् । टस हारेर ब्याटिङ गर्ने निम्तो पाएको नेपाली टोलीका अन्य ब्याट्सम्यान एकातर्फ चल्न नसक्दा अनिलले अर्कोतर्फ ब्याटिंग सम्हालेका हुन् । नेपालले २२ ओभरको अन्त्यसम्म ५ विकेट गुमाउँदै ८३ रन बनाएको छ । 

९ रनमा दुवै ओपनरलाई गुमाएको नेपालका लागि तेस्रो नम्बरका ब्याट्सम्यान अनिलले ५६ बलको सामाना गर्दै ५० रन बनाएका हुन् । उनले ७ चौका र १ छक्का प्रहार गरेका हुन् ।

मोहोम्मद आसिफ शेख रन नाबनाउँदै आउट भए भने अर्का ओपनर जितेन्द्र १ रनमा आउट भए । प्रतियोगितामा उच्च प्रदर्शन गर्दै आएका कप्तान दीपेन्द्र सिंह ऐरी ६ रनमा आउट भए भने रोहित कुमार पौडेल ४ रनमा एलबीडब्ल्यूको सिकार भए । त्यस्तै भिम शार्की ६ रन बनाउँदै रन आउट भएपछि नेपालले पाँचौ विकेट गुमाएको हो ।

अपडेट : पवन ८ रन बनाउँदै आउट भएका छन् । नेपालले छैटौ विकेट गुमाएको छ ।

अपडेट: नेपालको सातौँ विकेट पतन , अनिल ५१ रनमा आउट ।

अपडेट : आठौँ विकेट झर्यो , किशोर महतो आउट ।

अपडेट : नवौं विकेट झर्यो , कमल सिंह खाता नखोल्दै फर्किए ।

अपडेट: नेपाल १ सय ३ रनमा आल आउट ।