काठमाडौं (हाम्रो खेलकुद) – मलेसियामा जारी एसीसी यु १९ युथ एसिया कप अन्तर्गत सेमिफाइनल खेलमा नेपाल अफगानिस्तान विरुद्ध ७ विकेटले पराजित भएको छ । १ सय ४ रनको लक्ष्य पाएको अफगानिस्तानले २०.३ ओभरमा ३ विकेट गुमाएर सो लक्ष्य हांसिल गरेको हो ।
फोटो: ईकान्तिपुर
अफगानिस्तानका लागि ओपनर रहमानउल्लाह गुर्बाजले सर्वाधिक ७१ रन जोडेका थिए । नेपालका लागि भने सन्दिप लामिछानेले २ तथा कमल सिहं ऐरीले १ विकेट लिएका थिए । अफगानिस्तान १८ ओभरमा ९४ रन जोड्दै एक विकेट गुमाएको अवस्थामा भारी वर्षाका कारण खेल प्रभावित भएको थियो ।
यस अघि टस हारेर पहिले ब्याटिङ गरेको नेपालका लागि अनिल कुमार शाहले ५० रन बनाए पनि अन्य ब्याट्सम्यानहरुले दोहोरो अंक जोड्न नसकेपछि नेपाली टोलीले २८ ओभरमा १ सय ३ रन बनाउँदै सबै विकेट गुमाउन पुगेको हो । अनिललाई आउट गरेका अफगानिस्तानका बलर मुजिब उर रहमानले उच्च प्रदर्शन गर्दै नेपालका ६ ब्याट्सम्यानलाई पेभेलियन फर्काएका थिए ।
अब आइतबार हुने फाइनल खेलमा अफगानिस्तानले पाकिस्तानको सामना गर्ने छ । पहिलो सेमिफाइनलमा डर्क वर्थ लुइसको आधारमा पाकिस्तानले बंगलादेशलाई २ विकेटले हराएको थियो ।
