काठमाडौं(हाम्रो खेलकुद)- एसडीसी इन्टर कलेज टियु बीबीए तथा बीआईएम क्रिकेट प्रतियोगिता बैशाख अन्तिममा हुने भएको छ ।
अघिल्लो वर्ष युर्निभर्सल कलेजद्धारा बीबीए कप क्रिकेट र थेम्स ईन्टरनेशनल कलेजद्धारा बीआईएम कप क्रिकेट प्रतियोगिता भएको थियो । दुबैको प्रतियोगिताको उपाधि शंकरदेव क्याम्पसले जितेको थियो ।
साविक विजेताले आयोजना गर्ने प्रचलन अनुसार यस पटक शंकर देव क्याम्पसले दुबै प्रतियोगिता आयोजना गर्ने छ । प्रतियोगिता आगमी बैशाख ३० देखी जेठ १० गतेसम्म मुलपानी क्रिकेट मैदानमा सञ्चालन हुने छन् । देशभर बीबीएतर्फबाट १९ र बीआईएमबाट ७ गरि २६ क्याम्पसको सहभागिता रहने छ ।
बीबीएको विजेताले ७० र बीआईएमको विजेताले ३० हजार प्राप्त गर्ने छन् । बीबीएको उप विजेताले ३५ र बीआईएमको उपविजेताले १० हजार सहित ट्रफी र प्रमाणप्रत्र प्राप्त गर्ने छ । प्रतियोगिताकै सर्वोकृष्ट खेलाडी,उत्कृष्ट बलर,ब्याट्सम्यानले पनी नगद सहित ट्रफी र प्रमाणप्रत्र साथै अन्य पुरस्कार प्रदान गरिने आयोजकले जनाएको छ ।
