5 years ago
June 23, 2019
एजेन्सी – एकदिवसिय विश्वकप क्रिकेट प्रतियोगितामा आज पाकिस्तान र दक्षिण अफ्रिका भिड्दै छन् । खेल नेपाली समय अनुसार दिउँसो ३:१५ देखि लर्ड्समा सुरु हुनेछ । आठौं स्थानमा रहेको दक्षिण अफ्रिका र नवौं स्थानमा रहेको पाकिस्तान गर वा मर को अवस्थामा छन् । शीर्ष चारमा रहेर सेमिफाइनल खेल्ने आसा जिवितै राख्न आजको खेल दुबै टोलीलाई जित्नै […]
एजेन्सी – एकदिवसिय विश्वकप क्रिकेट प्रतियोगितामा आज पाकिस्तान र दक्षिण अफ्रिका भिड्दै छन् । खेल नेपाली समय अनुसार दिउँसो ३:१५ देखि लर्ड्समा सुरु हुनेछ ।
आठौं स्थानमा रहेको दक्षिण अफ्रिका र नवौं स्थानमा रहेको पाकिस्तान गर वा मर को अवस्थामा छन् । शीर्ष चारमा रहेर सेमिफाइनल खेल्ने आसा जिवितै राख्न आजको खेल दुबै टोलीलाई जित्नै पर्ने दबाब छ । विश्वकपमा पाकिस्तान र दक्षिण अफ्रिकाबीच ४ खेल भएको छ । जसमा अफ्रिका ३ जित र १ मा पराजित भएको छ । आजको खेलमा प्रभाव पार्न सक्ने २ खेलाडी :
मोहम्मद आमिर (पाकिस्तान)
तीव्र गतिका बलर मोहम्मद आमिर बललाई स्वीङ गराउन माहिर छन् । आमिरले आफ्नो स्वीङ बलमा विपक्षी ब्याट्सम्यानलाई पावर प्ले र डेथ ओभरमा निराश बनाउने गर्दछन् । आमिरले सुरुवाती ४ खेलमा १३ विकेट लिई सकेका छन् । आमिरले पहिलो खेलमा वेस्ट इन्डिजविरुद्ध ३ विकेट लिएका थिए । इंग्ल्यान्डसँगको खेलमा पनि २ विकेट हात पारे ।
अष्ट्रेलियासँगको खेलमा ५ विकेट लिएपनि पाकिस्तान पराजित भएको थियो । आमिरले भारतविरुद्ध ३ विकेट लिएका थिए । उत्कृष्ट लयमा रहेका आमिरले आजको खेलमा पनि नायक बन्न सक्छन् ।
रस्सि भान डर दुसेन (दक्षिण अफ्रिका)
३० वर्षीय रस्सि भान डर दुसेनले जारी विश्वकपमा दक्षिण अफ्रिकाबाट राम्रो प्रर्दशन गरेका छन् । शीर्षक्रमका ब्याट्सम्यान दुसेनले गत जनवरीमा पाकिस्तानसँग वान डे क्रिकेटमा डेब्यू गरेका थिए । जारी विश्वकपको पहिलो खेलमा दुसेनले इंग्ल्यान्डविरुद्ध ५० रन जोडेका थिए । बंगलादेशविरुद्ध ४१ र भारतसँगको खेलमा २२ रन जोडे । वेस्ट इन्डिजसँगको खेल वर्षाले रद्ध हुँदा अफगानिस्तनासँग भने ब्याटिङ गर्ने मौका पाएनन् । न्युजिल्यान्डसँग आक्रमक ६७ रन जोडेका थिए ।
दुसेन पाकिस्तानसँग डेब्यू खेलमा गत जनवरीमा ९३ रन प्रहार गरेका थिए । त्यस्तै त्यसै सिरिजमा पाकिस्तनासँगको दोस्रो खेलमा ८० रनमा अविजित रहे । तेस्रो खेलमा ब्याटिङ गर्ने मौका नपाउँदा चौथो खेलमा १८ र पाँचौ खेलमा अविजित ५० रन जोड्दै दक्षिण अफ्रिकाको विश्वकप टोलीमा स्थान पक्का गरेका थिए । त्यसैले दुसेन दक्षिण अफ्रिका लागि आज नायक बन्न सक्छन् ।
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]
April 19, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]