एजेन्सी – एक दिवसिय विश्वकप क्रिकेट प्रतियोगितामा आज भारत र वेस्ट इन्डिज भिड्दैछन् । खेल नेपाली समय अनुसार दिउँसो ३ : १५ पछि मैनचेस्टरमा सुरु हुने छ ।

५ खेलमा ४ मा जित निकाल्दै तेस्रो स्थानमा रहेको भारत आजको खेलमा विजयी भए सेमिफाइनल लगभग पक्कापक्कि हुने छ । विश्वकपमा भारत र वेस्ट इन्डिजबीच ८ खेल भएको छ । जसमा भारत ५ खेलमा विजयी हुँदा ३ खेलमा हारेको छ । भारत आजको खेलमा नयाँ जर्सिमा मैदान उत्रने बताईएको छ । भारत रवेस्ट इन्डिजको खेलमा प्रभाव पार्न सक्ने २ खेलाडी :

जसप्रित बुमराह (भारत)

भारतीय टोलीका तीब्र गतिका बलर जसप्रित बुमराह प्रमुख हतियार हुन् । बुमराह योर्कर बलको लागि माहिर छन् । बुमराहले आफ्नो उत्कृष्ट प्रर्दशनमा कठिन जितलाई पनि सहज बनाउन सक्ने क्षमता राख्छन् । पावर प्ले र डेर्थ ओभरमा उत्कृष्ट प्रर्दशन गर्ने बुमराहको बलमा विपक्ष्य ब्याट्सम्यान कमै मात्रैमा ठूलो शट खेल्ने गर्दछन् । बुमराहको बलमा अधिकाम्स ब्याट्सम्यानको ध्यान रन जोड्न बन्दा रोक्ने देखिन्छ ।

जारी विश्वकपमा पनि बुमराहले आफ्नो दबदबाह कायमै राखेका छन् । बुमराहले ४ खेलमा ७ विकेट लिएका छन् । दक्षिण अफ्रिकाविरुद्ध २ विकेट लिएका बुमराहले अष्टे«लियासँगको खेलमा ३ विकेट लिदै टोलीको सहज जित पक्का गरेका थिए । पाकिस्तानसँगको खेलमा विकेट विहीन बनेपनि अफगानिस्तानसँग २ विकेट लिदै म्यान अफ द म्याच चुनिएका थिए । छोटो समयमै विश्व क्रिकेटमा नम्बर वान बलरको छवि बनाएका बुमराहले ५३ वान डे खेलमा ९२ विकेट लिई सकेका छन् । त्यसै आजको खेलमा पनि बुमराहले उत्कृष्ट प्रर्दशन गर्दै टोलीको जित सहज बनाउन सक्छन् ।

कार्लोस ब्रेथवेट (वेस्ट इन्डिज)

युवा अलराउण्डर कार्लोस ब्रेथवेटले आफ्नो उत्कृष्ट प्रर्दशनमा भारतलाई स्तब्ध पार्न सक्छन् । सन् २०१६ को टी ट्वान्टी विश्वकपमा इंग्ल्यान्डविरुद्ध अन्तिम ओभरको चार बलमा लगातार छक्का प्रहार गर्दै वेस्ट इन्डिजलाई च्यापियन बनाएका ब्रेथवेटले जारी विश्वकपमा पनि उत्कृष्ट प्रर्दशन गरेका छन् । अघिल्लो खेलमा ब्रेथवेटले न्युजिल्यान्डविरुद्ध १ सय १ रनको आक्रमक पाली खेलेपनि टोलीको हार टार्न सकेनन् ।

तीब्र गतिमा बलिङ गर्ने ब्रेथवेट बाउन्स गराउन पनि त्यतिकै माहिर छन् । उनले अष्ट्रे लियासँगको खेलमा ३ र न्युजिल्यान्डसँगको खेलमा दुई विकेट लिएका थिए । न्युजिल्यान्डविरुद्ध शतक प्रहार गरेकाले मनोबल पनि उच्च छ । उत्कृष्ट लयमा रहेका ब्रेथवेटले आफ्नो अलराउण्डर प्रर्दशनमा भारतलाई स्तब्ध पार्न सक्छन् ।