एजेन्सी – इंग्ल्यान्डका ओपनर जोनी बेयरस्टोले आईसीसी विश्वकप क्रिकेट प्रतियोगितामा भारतविरुद्ध शानदार शतक पुरा गरेका छन् ।
सुरुवातबाटै भारतीय बलरमाथि आक्रमक ब्याटिङ गरि रहेका बेयरस्टोले ९० बलमा वान डे करियरको ८ औं तथा विश्वपकमा आफ्नो पहिलो शतक पुरा गरे । बेयरस्टोले ९० बलमा ८ चौका र ६ छक्का प्रहार गर्दै शतक पुरा गरेका छन् । उनले २६ ओभरको अन्तिम बलमा हार्दिक पान्ड्याको बलमा १ रन बटुल्दै शतक पुरा गरेका हुन् ।
त्यस्तै ओपनर जोसन रोयले ५७ बलमा ७ चौका र २ छक्का प्रहार गर्दै ६६ रनमा क्याच आउट भए । रोय र बेयरस्टोले पहिलो विकेटका लागि २२.१ ओभरमा १ सय ६० रनको साझेदारी गरेपछि इंग्ल्यान्डले उत्कृष्ट सुरुवात गरेको छ । कुलदीप यादवको बलमा ठूलो शट खेल्ने धुनमा बाउन्ड्री लाइन नजिकै रोयलाई रविन्द्र जडेजाले उत्कृष्ट क्याच गरेपछि इंग्ल्यान्डको शतकीय साझेदारी तोडिएको हो ।
बेयरस्टोलाई जो रुटले १२ रनमा साथ दिई रकेका छन् । इंग्ल्यान्डले २६ ओभरमा १ सय ८६ रन बनाउन १ विकेट गुमाएको छ ।
