एजेन्सी – भारतीय टोलीका ओपनर रोहित शर्माले एक दिवसिय विश्वकप क्रिकेट प्रतियोगितामा इंग्ल्यान्डविरुद्ध पनि उत्कृष्ट शतक प्रहार गरेका छन् ।
१ सय ६ बलमा रोहितले आफ्नो वान डे करियरको २५ औं तथा जारी विश्वकपमा आफ्नो तेस्रो शतक पुरा गरे । रोहितले शतक पुरा गर्न १५ चौका प्रहार गरे । रोहितले यसअघि पाकिस्तान र दक्षिण अफ्रिकासँगको खेलमा पनि शतक प्रहार गरेका थिए ।
शतक बनाएका रोहितले त्यसपछि भने लामो समय क्रिजमा टिक्न सकेनन् । उनी १ सय २ रनमा क्रिस वक्सको बलमा विकेटकिपरबाट क्याच आउट भए । क्रिजमा ऋषभ पन्त २६ रनमा खेलिरहेका छन् । ३ सय ३८ रनको विशाल लक्ष्य पछ्याएको भारतले ३६.१ ओभरमा १ सय ९८ रन बनाउँदै २ विकेट गुमाएको छ ।
भारतले तेस्रो ओभरको तेस्रो बलमा ओपनर के एल राहुललाई शुन्यमा गुमाएको थियो । राहुललाई क्रिस वोक्सले आफैं क्याच लिदै पेभिलिएन फर्काए ।
दोस्रो विकेटका लागि रोहित र कप्तान विराट कोहलीले १ सय ३८ रनको साझेदारी गर्दै इनिङ उकासे । विराटलाई २९ ओभरको दोस्रो बलमा लियाम प्लन्केटले ६६ रनमा क्याच गराए । कोहलीले ७६ बलमा ७ चौका प्रहार गरे ।
