एजेन्सी – एकदिवसिय विश्वकप क्रिकेट प्रतियोगितामामा घरेलु टोली इंग्ल्यान्डले न्युजिल्यान्डविरुद्ध पहिला ब्याटिङ गर्ने भएको छ ।

भर्खर सम्पन्न टसमा कप्तान इओन मोर्गनले जित्दै पहिला ब्याटिङ गर्ने निर्णय लिएका हुन् । इंग्ल्यान्डले टोलीमा कुनै परिवर्तन गरेको छैन । न्युजिल्यान्डले भने दुई खेलाडी परिवर्तन गरेको छ । इश सोधी र लोकी फग्र्युसनको स्थानमा टिम साउदी र म्याट हेनरीलाई मौका दिएको छ ।

इंग्ल्यान्डको प्लेइङ ११ ः जोनी बेयरस्टो,जेसन राय,जो रुट,इओन मोर्गन(कप्तान),बेन स्टोक्स,जस बटलर,लियाम प्लन्केट,क्रिस वोक्स,आदिल राशिद,जोफ्रा आर्चर र मार्क उड ।

न्युजिल्यान्डको प्लेइङ ११ ः मार्टिन गुप्टिल,हेनरी निकोलस,केन विलियमसन(कप्तान),रस टेलर,टम लेथम,जेम्श निशम,कोलिन डी ग्राण्डहोम,मिचेल सान्टनार,टिम साउदी,म्यान हेनरी,ट्रेन्ट बोल्ट ।

विजेता टोली सिधै सेमिफाइनलनमा प्रवेश गर्ने छ । पराजित टोली पाकिस्तानको नतिजामा निर्भर रहने छ । इंग्ल्यान्ड आजको खेलमा पराजित भए र उता शुक्रबार पाकिस्तानले बंगलादेशलाई पराजित गरे लिग चरणबाट बाहिरिने छ । त्यसैले घरेलु टोली इंग्ल्यान्डलाई जित्नै पर्ने दबाब छ । न्युजिल्यान्ड आजको खेलमा पराजित भए र उता पाकिस्तान विजयी भएपनि नेट रन रेटका आधारमा सेमिफाइनलमा पुग्न सक्छ ।

इंग्ल्यान्ड ८ खेलमा ५ मा जित र ३ मा हार ब्योहोदै १० अंक जोड्दै चौथो स्थानमा छ । न्युजिल्यान्ड पनि समान खेलमा ५ मा जित र २ मा हारका साथ ११ अंक बटुल्दै तेस्रो स्थानमा छ । न्युजिल्यान्डले वर्षाको कारण भारतसँग अंक बाडेंको थियो । शीर्षस्थानमा रहेको अष्ट्रलिया र भारत सेमिफाइनलमा प्रवेश गरि सकेका छन् ।

भारतलाई ३१ रनले पराजित गरेको इंग्ल्यान्डको मनोबल पनि उच्च छ । इंग्ल्यान्डका ओपनर जोनी बेयरस्टो अघिल्लो खेलमा भारतसँग शतक प्रहार गर्दै लयमा फर्किको संकेत देखाएका छन् । त्यस्तै अर्का ओपनर जोसन रोयले पनि भारतसँगको खेलमा कमब्याक गर्दै अर्ध शतक प्रहार गरेका थिए । जो रुट, कप्तान इओन मोर्गन,जस बटलरको प्रर्दशन आज निकै महत्वपूर्ण हुने देखिन्छ । अलराउण्डर बेन स्टोक्सले भने उत्कृष्ट प्रर्दशन गरि रहेका छन् ।

बलिङतर्फ जोफ्रा आर्चरको प्रर्दशन निकै महत्वपूर्ण हुने छ ।

यता न्युजिल्यान्डका लागि कप्तान केन विलियमसन बाहेक अन्य ब्याट्सम्यानको प्रर्दशन सन्तोकजनक छैन । ओपनर मार्टिन गुप्टिल,कोलिन मुनरो,टम लेथम र रोश टेलरको खराब प्रर्दशन न्युजिल्यान्डलाई ठूलो चिन्ताको विषय हो । बलिङमा भने ट्रेन्ट बोल्ट र ल्योकी फर्गुसन उत्कृष्ट प्रर्दशन गरेका थिए ।

विश्वकपमा न्युजिल्यान्ड र इंग्ल्यान्डबीच ८ खेल भएको छ । जसमा न्युजिल्यान्ड ५ खेलमा विजयी हुँदा ३ खेलमा पराजित भएको छ । त्यस्तै यी दुईदेशबीच कुल ८९ वान डे खेल भएको छ । जसमा न्युजिल्यान्ड ४३ खेलमा विजयी हुँदा ४० खेलमा पराजित भएको छ । २ खेल बराबरीमा सकिदा ४ खेलको नतिजा बिहीन छ । अघिल्लो वर्ष मार्चमा भएको पाँच वान डे सिरिज इंग्ल्यान्डले ३(२ ले जितेको थियो ।