एजेन्सी – इंग्ल्यान्डका ओपनर जोनी बेयरस्टोले एक दिवसिय विश्वकप क्रिकेटमा न्युजिल्यान्डविरुद्ध उत्कृष्ट शतक प्रहार गरेका छन् ।

बेयरस्टोले ९५ बलमा आफ्नो वान डे करिअरको नवौं तथा जारी विश्वकपमा दोस्रो शतक पुरा गरे । बेयरस्टोले यसअघि भारतसँगको खेलमा पनि शतक प्रहार गरेका थिए । बेयरस्टोले शतक पुरा गर्न १४ चौका र १ छक्का प्रहार गरे । बेयरस्टो १ सय रनमा खेलि रहेका छन् । उनलाई जो रुटले २४ रनमा साथ दिएका छन् ।
त्यसअघि बेयरस्टोले जोसन रोयसँग १ सय २३ रनको शतकीय साझेदारी गर्दै उत्कृष्ट सुरुवात दिलाए । १९ ओभरको चौथो बलमा जेम्श निशमले मिचेल सान्टनारबाट क्याच आउट गराउनुअघि रोयले ६१ बलमा ८ चौका सहित ६० रनको योगदान दिए । इंग्ल्यान्डले यो समचार तयार पार्न सम्म ३० ओभरमा १ विकेट गुमाउँदै १ सय ९४ रन बनाएको छ ।