एजेन्सी – श्रीलंकाका अनुभवी ब्याट्सम्यान एन्जिलो म्याथ्युज एक दिवसिय विश्वकप क्रिकेटमा भारतविरुद्ध शतक प्रहार गरेका छन् ।
एन्जिलोले १ सय १५ बलमा आफ्नो वान डे करिअरको तेस्रो शतक प्रहार गरे । उनले वान डे करिअरमा प्रहार गरेका तीनै शतक भारतविरुद्ध रह्यो ।
४४ ओभरको पाँचौ बलमा हार्दिक पान्डयालाई चौका प्रहार गर्दै शतक पुरा गरे । एन्जिलो १ सय १६ बलमा ९ चौका र २ छक्का सहित १ सय १ रनमा खेलि रहेका छन् । उनलाई धनन्जय डी शिल्भाले ११ रनमा साथ दिएका छन् ।
एक समय ११.४ ओभरमा ५५-४ को कमजोर अवस्थामा पुगेको श्रीलंकालाई पाँचौ विकेटका लागि एन्जिलो मैथ्युज र लाहिरु थारिमनेले १ सय २४ रनको शतकीय साझेदारी गरेपछि बलियो योगफलमा पुगेको छ । कुलदीप यादवको बलमा ठूलो शट खेल्ने धुनमा रविन्द्र जडेजाबाट क्याच आउट हुनुअघि लाहिरुले ६८ बलमा ४ चौका सहित ५३ रनको महत्वपूर्ण योगदान दिए ।
श्रीलंकाले यो समचार तयार पार्न सम्म ४४ ओभरमा २ सय २७ रन बनाउन ५ विकेट गुमाएको छ ।
