5 years ago
July 23, 2019
सिंगापुर (हाम्रो खेलकुद) – नेपाली राष्ट्रिय क्रिकेट टोलीका कप्तान पारस खड्काले कतारसँगको हारसँगै टोलीलाई अब गल्ती गर्ने कुनै मौका नरहेको बताएका छन् । मंगलबार कतारसँग ४ विकेटले पराजित भएपछि हाम्रो खेलकुदसँग बोल्दै पारसले भने ।
‘यो हार हाम्रो लागि राम्रो पाठ हो । हामीले खेल जित्दै गएर अन्तिममा गएर हारेर बेहोर्नुपरेको भए त्यो राम्रो हुने थिएन । अब हामीलाई गल्ती गर्ने एक प्रतिशत पनि मौका छैन’,पारसले भने । बाँकी तीनै खेल जित्दै अघिल्लो चरणमा प्रवेश गर्ने बताए ।
पारसले मैदानको अवस्था हेर्दा २० रनजति कमि भएको कारण खेल हार्नु परेको बताउछन् । कप्तान पारसले ६ जना बलर भन्दा पनि सोमपाल र करणलाई अलराउण्डरको रुपमा मैदान उतारेको बताए । ‘आजको कन्डिसनको अनुसार उत्कृष्ट ११ मैदान उतारेका हौं । नेपाली क्रिकेटलाई कहिले पनि र कुनै पनि कुरा सजिलो हुँदैन’,पारसले भने ।
‘टिममा जित्दा सबै कुरा राम्रो देखिन्छ । आज हार्यौं भन्दैमा टिम खराब छ भन्ने होइन । हामीलाई आशा र विश्वास छ की हामीले उत्कृष्ट पुनरागमन गर्नेछौं’ ,उनले भने । त्यस्तै पारसले कतारले नेपालको स्तरको क्रिकेट खेलेको बताए ।
नेपाल कतारसँग ४ विकेटले पराजित भएपछि धक्का लागेको छ । नेपालले बुधबार मलेसियासँग खेल्नेछ । पाँच टोली सहभागि यस प्रतियोगितामा एकमात्रै टोली ग्लोबल विश्वकप छनोटमा स्थान पाउने हुँदा नेपालले बाँकी तीनै खेल राम्रो रनरेटले जित्नुपर्ने समिकरण बनेको छ ।
यो पनि : विश्वकप छनोट : नेपाल मात्र अंकविहिन
May 13, 2024
एजेन्सी – इन्डियन प्रिमियर लिग (आईपीएल) अन्तर्गत गुजरात टाइटन्स र कोलकाता नाइट राइडर्सबीचको खेल एक बल पनि नभईकन रद्द भएको छ । लगातारको वर्षाका कारण टसका साथै खेल सुरु हुन नसकेपछि खेल रद्द भएको हो । गुजरात र कोलकत्ताले खेल रद्द भएका कारण १-१ अंक बाँडेका छन् । यस नतिजा पछि भने गुजरात प्रतियोगिताबाट बाहिरिएको […]
May 13, 2024
काठमाडौँ (हाम्रो खेलकुद) – सुदुरपश्चिम प्रदेशले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । कोशीलाई लगातार दोस्रो हार चखाउने क्रममा सुदुरले १९ रनको जित दर्ता गर्यो । टस जितेर पहिला ब्याटिङ गरेको सुदुरपश्चिम प्रदेशले सम्झना खड्काको अर्धशतकीय इनिङको मद्दतमा निर्धारित २० ओभरमा ८ विकेटको क्षतिमा ११२ रन […]
May 13, 2024
काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । लगातार दोस्रो जित दर्ता गर्ने क्रममा बागमती प्रदेशलाई ८ विकेटले पराजित गरेको हो । बागमतीले दिएको ७४ रनको सामान्य लक्ष्य एपिएफले ११ ओभरमा २ विकेट गुमाएर पुरा गर्यो । एपिएफका लागि ओपनर […]
