काठमाडौं (हाम्रो खेलकुद) – नेपाल, आयोजक सिंगापुर र जिम्बाबेबीच त्रिकोणात्मक सिरिज आज सुरु हुँदै छ । पहिलो खेलमा नेपाल र जिम्बाबेबीच प्रतिस्पर्धा हुदै छ । खेल साझ ५ः १५ बजे सुरु हुने छ । नेपालले जिम्बाबेसँग टि ट्वान्टी खेल्न लागेको यो पहिलो पटक हो । एक दिवसिय क्रिकेटमा भने यी दुई टोलीबीच प्रतिस्पर्धा भइसकेको छ ।

गत वर्ष जिम्बाबेमै भएको एक दिवसिय लिश्वकप छनोटमा नेपाल जिम्बाबेसँग १ सय १६ रनले पराजित भएको थियो । अघिल्लो महिना सिंगापुरमा नेपाल आईसीसी टि ट्वान्टी एसिया विश्वकप छनोटमा खराब प्रर्दशन गर्दै बाहिरिएको थियो । जिम्बाबेलाई पनि आईसीसीले प्रतिबन्ध लगाएपछि त्यो ठाँउमा नाइजेरियालाई मौका दिएको छ ।

टेष्ट राष्ट्र जिम्बाबे टि ट्वान्टी वरियताको २० औं स्थानमा छ । नेपाल ११ औं स्थानमा छ । वरियतामा पछि रहेपनि मैदानमा नेपाल भन्दा जिम्बाबे बलियो मानिन्छ । टेष्ट राष्ट्र जिम्बाबे नेपाल माथि हाबी हुने अनुमान गरिएको छ । तर पछिल्लो समय नेपालकै जस्तै क्रिकेट बोर्डमा राजनीति हाबी भएसँगै जिम्बाबेको प्रर्दशन खस्किदो छ ।

बंगलादेश र अफगानिस्तानसँगको त्रिकोणात्मक सिरिजमा पनि जिम्बाबेले खराब प्रर्दशन गरेको थियो । क्रिकेटमा खेलाडीको प्रर्दशनले मात्र जित संभव नहुन पनि सक्छ । तर कहिले काही एउटै खेलाडीको प्रर्दशनले टोलीको हार वा जितमा निर्णायक भूमिका हुन सक्छ । टेष्ट अनुभवी जिम्बाबेका यी तीन खेलाडीको प्रर्दशन नेपाललाई घातक हुन सक्छ । नेपालले यी तिन खेलाडीलाई रोक्न सक्नुपर्छ ।

३.क्रेग इरविन (ब्याट्सम्यान)
३४ वर्षे बायाँ हाते ब्याट्सम्यान क्रेस इरविन जिम्बाबेका मध्यक्रमका भरपर्दा ब्याट्सम्यान हुन् । क्रेग ठूला सटका लागि परिचित छन् । उनले २२ टि ट्वान्टी खेलमा ४ सय ६१ रन जोडेका छन् । क्रेगको पछिल्लो समयको प्रदर्शन राम्रो छ । उनले आयरल्यान्डसँगको टि ट्वान्टी सिरिजमा दोस्रो खेलमा ५५ र तेस्रो खेलमा ६८ रनको अविजित इनिङ खेलेका थिए । क्रेगसँग १५ टेष्ट र ९३ एक दिवसिय खेलको अनुभव छ । क्रेग मध्यक्रममा नेपाली बलरलाई टाउको दुखाईका ब्याट्सम्यान बन्न सक्छन् ।

तेन्दाई चतारा (बलर)
२८ वर्षे तीब्र गतिका बलर तेन्दाई चतारा जिम्बाबेका प्रमुख बलिङ हतियार हुन् । उनले आफ्नो उत्कृष्ट बलिङमा टोलीको सहज जित पक्का गर्न सक्ने क्षमता राख्छन् । जिम्बाबेबाट १८ टि ट्वान्टी आई खेलेका छन् । उनले केहि दिनअघि मात्र सम्पन्न बंगलादेश र अफगानिस्तानसँगको त्रिकोणात्मक सिरिजमा पनि उत्कृष्ट प्रर्दशन गरेका थिए । उनले टि ट्वान्टी आईमा २२ विकेट लिई सकेका छन् । उनले ९ टेष्टमा २४ र ७० एक दिवसियमा ९५ विकेट लिई सकेका छन् । चन्दाईको बलिङमा नेपाली नेपाली ब्याट्सम्यान होसियारीपूर्वक खेल्नु पर्ने हुन्छ ।

१.सिन विलियम्स (कप्तान)
त्रिकोणात्मक सिरिजमा जिम्बाबेको कप्तानी सिन विलियम्सले गर्ने छन् । ३३ वर्षे विलियम्स अनुवभी र भरपर्दा अलराउन्डर हुन् । उनले ३४ टि ट्वान्टीमा ४ अर्ध शतक सहित कुल ६ सय ९१ रन बनाएका छन् । त्यस्तै उनले २६ विकेट लिएका छन् । बायाँ हाते ब्याट्सम्यान विलियम्सले अफ स्पिन बलिङ गर्ने गर्दछन् । विलियम्सको अलराउन्डर प्रर्दशनमा जिम्बाबेले सहज जित हात पार्न सक्छ । विलियम्स दबाबमा पनि रन जोड्न माहिर छन् । जसको अलराउन्डर प्रर्दशन नेपाललाई घातक बन्न सक्छन्।