6 years ago
December 5, 2019
पोखरा (हाम्रो खेलकुद) – १३ औं दक्षिण एसियाली खेलकुद (साग) महिला टि ट्वान्टी क्रिकेटमा माल्दिभ्स महिला क्रिकेट टोली बंगलादेशसँग ६ रनमा अल आउट भएको छ । २ सय ५६ रनको विजयी लक्ष्य पछ्याएको माल्दिभ्स १२.१ ओभरमा ६ रनमा अल आउट भएपछि बंगलादेश २ सय ४९ रनको फराकिलो अन्तरले विजयी हुँदै फाइनलमा पुगेको छ ।
बंगलादेशले स्वर्णका लागि नेपाल र श्रीलंका मध्य एकसँग खेल्ने छ । जसको छिनोफानो शुक्रवार नेपाल र श्रीलंकाको खेलपछि थाहा हुने छ । माल्दिभ्सकी किनथा इस्लाम र सज्जा फाथिमथले १–१ तथा शाम्मा अलीले २ रन जोड्न बाहेक अन्यले खाता खोल्न सकेनन् ।
पहिलो अन्तर्राष्ट्रिय प्रतियोगिता खेलि रहेको माल्दिभ्सको लागि ८ ब्याट्सवुमेनले खाता खोल्न सकेनन् । बंगलादेशका रितु मोनु र सल्मा खातुनले समान ३ लिए । त्यसअघि टस जितेर ब्याटिङ थालेको बंगलादेशले निर्धारित २० ओभरमा २ विकेट गुमाउँदै २ सय ५५ रन बनाएको थियो ।
बंगलादेशकी निगारा सुल्तान ६५ बलमा १४ चौका र ३ छक्का सहित १ सय १३ रनमा अविजित रहीन् । त्यस्तै फर्गाना हकले ५३ बलमा २० चौका सहित १ सय १० रनमा अविजित रहिन् । तेस्रो विकेटका लागि फर्गाना र निगाराले २ सय ३६ रनको साझेदारी गरेका थिए । माल्दिभ्सको शाम्मा अलीले १ विकेट लिइन् ।
पहिलो खेलमा नेपालसँग १० विकेट र दोस्रो खेलमा श्रीलंकासँग २ सय ४९ रनले पराजित भएको माल्दिभ्स जित विहीन हुँदै बाहिरिएको छ । बंगलादेशले पहिलो खेलमा श्रीलंकालाई ७ विकेट र दोस्रोमा नेपाललाई १० विकेटले हराएको थियो । टि ट्वान्टी महिला आईमा माली महिला क्रिकेट टोली पनि गत जुनमा रेवान्डासँग ६ रनमा अल आउट भएको थियो ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]