default_image

5 years ago

February 2, 2020

न्युजिल्यान्डविरुद्ध भारतको क्लिनस्विप

138 views

0 Bookmark

एजेन्सी – तीब्र गतिका बलर जस्प्रित बुमराहको उत्कृष्ट बलिङमा न्युजिल्यान्डसँगको पाँच टि ट्वान्टी सिरिज पाहुना टोली भारतले क्लिनस्वीप गरेको छ ।

आइतबार पाँचौ तथा अन्तिम खेलमा ७ रनले विजयी हुँदै भारतले सिरिज ५-० ले जितेको हो । १ सय ६४ रनको विजयी लक्ष्य पछ्याएको न्युजिल्यान्डले निर्धारित २० ओभरमा ९ विकेट गुमाउँदै १ सय ५६ रन बनायो ।

खराब सुरुवात गरेको न्युजिल्यान्डलाई चौथो विकेट लागि टिम सेफर्ट र रस टेलरले ९९ रनको साझेदारी गर्दै जितको आशा दिलाएपनि पुन एक पटक फिनिसिङमा चुक्दा पराजित हुन पुगेको हो ।

१३ औं ओभरको चौथो बलमा नवदीप सैनीले सञ्जु स्यामसनबाट सेफर्टलाई ५० रनका क्याच गराउँदै भारतलाई खेलमा फर्काएका थिए । सेफर्ट आउट भएसँगै न्युजिल्यान्डको विकेट निरन्तर पतन हुन पुग्यो । सेफर्टले ३० बलमा ५ चौका र ३ छक्का प्रहार गरे ।

टेलरले ४७ बलमा ५ चौका र २ छक्का सहित ५३ रनमा आउट भए । ओपनर मार्टिन गुप्टिल २ र कोलिन मुनरो १५ रनमा आउट भएका थिए । दशौं ओभरमा मध्य गतिका बलर शिवम दुबेले ४ छक्का र २ चौका सहित कुल ३४ रन खर्चिन पुगेका थिए । ईश सोधी १० बलमा २ छक्का सहित १६ रनमा अविजित रहे ।

जस्प्रित बुमराहले ४ ओभरमा १ मेडन सहित १२ रन खर्चेर ३ विकेट लिए । त्यस्तै अर्का युवा तीब्र गतिका बलर नवदीप सैनीले ४ ओभरमा २३ रन खर्चेर २ विकेट लिए । शार्दुल ठाकुरले २ र वासिन्टन सुन्दरले १ विकेट लिए ।

त्यसअघि टस जितेर ब्याटिङ थालेको भारतले निर्धारित २० ओभरमा ३ विकेट गुमाउँदै १ सय ६३ रन बनाएको थियो । नियमित कप्तान विराट कोहलीलाई भारतले आजको खेलमा विश्राम दिएको छ ।

रोहित शर्मा ४१ बलमा ३ चौका र ३ छक्का प्रहार गर्दै ६० रनमा रिटायर्ट हर्ट भएका थिए । खुट्टामा केहि समस्या देखिएपछि रोहितले १७ औं ओभरको पाँचौ बलमा मैदान छोडेर पेभेलिएन फर्केका थिए ।

ओपनर सञ्जु स्यामसनलाई २ रनमा गुमाएको भारतलाई रोहित र लोकेश राहुलले दोस्रो विकेटका लागि ८८ रनको साझेदारी गर्दै इनिङ उकासेका थिए । १२ औं ओभरको तेस्रो बलमा हशिम बेनेटले मिचेल सान्टनरबाट क्याच गराउनु अघि राहुलले ३३ बलमा ४ चौका र २ छक्का सहित ४५ रन जोडे ।

युवा ब्याट्सम्यान श्रेयस ऐर ३१ बलमा १ चौका र २ छक्का सहित ३३ रनमा अविजित रहे । शिवम दुबे ५ रनमा आउट हुँदा मनिष पाण्डे ४ खेलमा १ चौका र १ छक्का सहित ११ रनमा अविजित रहे । न्युजिल्यान्डका स्कर्ट कुग्गेलेइजनले ४ ओभरमा २५ रन खर्चेर २ विकेट लिए । हशिम बेनेटको नाममा १ विकेट रह्यो ।

भारत पहिलो खेलमा ६ विकेट र दोस्रो खेलमा ७ विकेटले विजयी भएको थियो । तेस्रो र चौथो दुबै खेलमा भारत सुपर ओभरमा विजयी भएको थियो । भारत र न्युजिल्यान्डबीच थप तीन ओडीआई र दुई टेष्ट सिरिज हुने छ । पहिलो ओडीआई माघ २२, दोस्रो २५ र अन्तिम २८ मा हुने छ ।

December 14, 2024

एनपिएल – प्लेअफकाे ३ स्थानमा ४ टोलीको भिडन्त, यस्तो छ समिकरण!

काठमाडौं(हाम्रो खेलकुद) – पहिलो संस्करणको सिद्धार्थ बैंक नेपाल प्रिमियर लिग(एनपिएल) को लिग चरणका तीन खेल बाँकी रहेको छ । आइतवार २ तथा सोमवार १ खेलका साथ यस संस्करणको लिग चरणका खेल समाप्त हुनेछन् । लिग चरणका ३ मात्र खेल बाँकी रहँदा पनि प्लेअफमा स्थान बनाउँने ४ टोलीको टुंगो अझै लागेको छैन । प्लेअफमा जनकपुर बोल्ट्सले […]

December 14, 2024

जनकपुर पराजित हुँदा पोखरा र विराटनगर एनपिएलबाट बाहिर

काठमाडौं(हाम्रो खेलकुद) – सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्स पराजित हुँदा विराटनगर किंग्स तथा पोखरा एभेन्जर्स प्रतियोगिताबाट बाहिरिएका छन् । शनिवारको दोस्रो खेलमा चितवनले जनकपुरमाथि ३२ रनको जित हासिल गरेको हो । जितसँगै चितवनले प्लेअफ प्रवेशको सम्भावना बलियो बनाएको छ । चितवनको जितपछि पोखरा र विराटनगर प्रतियोगिताबाट बाहिरिएका हुन् । चौथो स्थानमा रहेको […]

December 14, 2024

कुशलको अर्धशतकमा चितवनको बलियो लक्ष्य तयार

काठमाडौं(हाम्रो खेलकुद) – कप्तान कुशल मल्लको अर्धशतकको सहयोगमा सिद्धार्थ बैंक नेपाल प्रिमियर लिग(एनपिएल) मा जनकपुर बोल्ट्सविरुद्ध चितवन राइनोजले बलियो योगफल तयार गरेको छ । टियु मैदानमा टस जितेर ब्याटिङ गरेको चितवनले निर्धारित २० ओभरमा ५ विकेट गुमाएर १ सय ८० रनको योगफल तयार गर्यो । चितवनका लागि कप्तान कुशलले ७२ रन जोडे । उनले ४१ […]

Success

Thank you for your time.