काठमाडौं (हाम्रो खेलकुद) – आईसीसी विश्वकप लिग-२ त्रिकोणात्मक सिरिजको पहिलो खेलमा ओमानले प्रस्तुत गरेको मध्यम लक्ष्य  नेपालले पछ्याइ रहेको छ ।  नेपालले २२ ओभरमा ३ विकेट गुमाउँदै ७१ रन बनाएको छ ।

सुरुवाती चार रनमै दुबै ओपनर पारस खड्का र ज्ञानेन्द्र मल्ललाई गुमाएको नेपाललाई उप कप्तान दीपेन्द्र सिंह ऐरी र अनुभवी ब्याट्सम्यान शरद भेषवाकरले तेस्रो विकेटका लागि ६२ रनको कीर्तिमानी साझेदारी गर्दै इनिङ उकासे । नेपालको ओडीआईमा यो तेस्रो विकेटका लागि भएको उच्च साझेदारी हो ।

ओडीआईमा नेपालको यो दोस्रो उच्च साझेदारी पर्दछ । दीपेन्द्रलाई २० औं ओभरको तेस्रो बलमा मोहम्मद नदीमले ३६ रनमा एलवी डब्लू आउट गरे । दीपेन्द्रले ५७ बलमा ५ चौका र १ छक्का प्रहार गरे । शरद २१ बलमा ३ चौका सहित २४ रनमा खेलि रहेका छन् । आरिफ शेखले ५ रनमा साथ दिई रहेका छन् । सधैं चिन्ताको विषय बन्ने आपनिङ आज पनि सम्झन लायक रहेन ।

ओपनर तथा कप्तान ज्ञानेन्द्र १ र पारस ३ रनमा क्याच आउट हुन पुगे । कलीमुल्लाहको चौथो ओभरको पाँचौ बलमा सट खेल्नेक्रममा कप्तान ज्ञानेन्द्र मोहम्मद नदीमबाट क्याच हुन पुगे । त्यस्तै बिलाल खानको पाँचौ ओभरको तेस्रो बलमा पारस सट खेल्नेक्रममा एज लाग्दै विकेटकिपर सुरज कुमारबाट ३ रनमा क्याच आउट भएका थिए ।