एजेन्सी – आयरल्यान्डका अलराउन्डर केभिन ओ ब्रायन विश्व क्रिकेटमै आक्रामक ब्याटिङका लागि परिचित छन् । उनै ओ ब्रायनले बिहीबार खेलका क्रममा छक्का प्रहार गर्दा आफ्नै गाडीको सिसा फुटेको छ ।

आयरल्यान्डको घरेलु प्रतियोगिता अन्तर प्रदेश टि२० ट्रफीमा लेइन्स्टर लाइटनिंगका लागि खेल्ने क्रममा ओ ब्रायनले नर्थ-वेस्ट वारियर्सका लागि ३७ बलमा ८२ रन जोडेका थिए । ओ ब्रायनकै आक्रामक ब्याटिङमा लेइन्स्टरले वर्षका कारण १२ ओभरमा घटाइएको खेलमा १२४-४ को स्कोर खडा गर्यो ।

जवाफमा वारियर्सले १०४-८ मात्र जोड्न सकेपछि डकवर्थ लेविस पद्दतिका अधारमा ओ ब्रायनको टोली २४ रनले विजयी भयो । ओ ब्रायनले खेलमा ८ छक्का प्रहार गरेका थिए । त्यसमध्य एउटा छक्काले उनको आफ्नै गाडीको सिसा फुटेको थियो । ओ ब्रायन आयरल्यान्ड टोयोटाको ब्राण्ड एम्बेसेडर रहेकाले खेलपछि स्थानीय डिलरले उनको गाडी ठिक गरेको समेत उनले उल्लेख गरेका छन् ।

विश्व क्रिकेटमा बारम्बार यस्तो घटना हुने गर्दछ । नेपालमै पनि पछिल्लोपटक एभरेस्ट प्रिमियर लिगका दौरान इपिएलका प्रबन्ध निर्देशक आमिर अख्तरको गाडीको सिसा फुटेको थियो । चितवन टाइगर्सविरुद्ध खेलमा विराटनगर वारियार्सका लागि हङकङका बाबर हायातले प्रहार गरेको छक्का मैदानबाहिर रहेको अख्तरको गाडीमा लागेको थियो ।

📸: KEVIN O’BRIEN SMASHES SIX…

…and his own car window. Seriously.#IP2020 | @TestTriangle ☘️🏏 pic.twitter.com/dKbfDRHrjY

— Cricket Ireland (@Irelandcricket) August 27, 2020

Didn’t need the air-con on the drive up to you lads. 🤣 unreal service once again. Never fails to disappoint. I’ll park further away next time 😝 #BestInTheBusiness https://t.co/tNKTG0tRLA

— Kevin O'Brien (@KevinOBrien113) August 27, 2020