default_image

3 years ago

October 4, 2020

चेन्नई १० विकेटले विजयी

एजेन्सी – ओपनर शेन वाटसन र फाफ डु प्लेसिसको कीर्तिमानी उत्कृष्ट साझेदारीमा चेन्नई सुपर किंग्सले इन्डियन प्रिमियर लिग (आइपिएल) को १८ औं खेलमा किंग्स इलेभेन पन्जाबलाई १० विकेटले पराजित गरेको छ । जितका लागि १ सय ७९ रनको विजयी लक्ष पछ्याएको चेन्नईले १७.४ ओभरमा विना विकेटको क्षतिमा पूरा गर्यो । चेन्नईको सानदार जितमा दुबै ओपनर […]

33 views

0 Bookmark

एजेन्सी – ओपनर शेन वाटसन र फाफ डु प्लेसिसको कीर्तिमानी उत्कृष्ट साझेदारीमा चेन्नई सुपर किंग्सले इन्डियन प्रिमियर लिग (आइपिएल) को १८ औं खेलमा किंग्स इलेभेन पन्जाबलाई १० विकेटले पराजित गरेको छ ।

जितका लागि १ सय ७९ रनको विजयी लक्ष पछ्याएको चेन्नईले १७.४ ओभरमा विना विकेटको क्षतिमा पूरा गर्यो । चेन्नईको सानदार जितमा दुबै ओपनर शेन वाटसन र फाफ डु प्लेसिसले उत्कृष्ट प्रर्दशन गरे । सुरुवाती तीन खेल हारेका चेन्नईका ओपनर पन्जाबबिरुद्ध भने सुरुवात देखिनै आक्रामक रुपमा प्रस्तुत भएका थिए ।

शेन वाटसन ५३ बलमा ११ चौका र ३ छक्का सहित ८३ रनमा अविजित रहे । फाफ डु प्लेसिस ५३ बलमा ११ चौका र १ छक्का सहित ८७ रनमा अविजित रहे । कुल १ सय ८१ रनको अविजित साझेदारी गरेका थिए । यो चेन्नईका कुनैपनि ब्याट्सम्यानले कुनैपनि विकेटका लागि गरेको सर्वाधिक उच्च साझेदारी हो ।

त्यसअघि दुबई इन्टरनेशनल क्रिकेट स्टेडियममा टस जितेर पहिला ब्याटिङ रोजेको पन्जाबले निर्धारित २० ओभरमा ४ विकेटको क्षतिमा १ सय ७८ रन बनाएको थियो । पन्जाबका कप्तान तथा ओपनर लोकेश राहुल (केएल) ले ५२ बलमा ७ चौका र १ छक्का सहित सर्वाधिक ६३ रनको योगदान दिए । पन्जाबलाई ओपनर राहुल र मयंक अग्रवालले पहिलो विकेटका लागि ६१ रनको साझेदारी गर्दै राम्रो सुरुवात दिएका थिए ।

यी दुईबीचको साझेदारी नवौं ओभरको पहिलो बलमा स्पिनर पियुष चवलाले अग्रवाललाई २६ रनमा साम करनबाट क्याच आउट गराउँदै तोडे । ठूलो सट खेलेका अग्रवाल डिपमिड विकेटमा समातिन पुगेका थिए । उनले १९ बलमा ३ चौका प्रहार गरे । रविन्द्र जडेजाको १२ औं ओभरको अन्तिम बलमा एक्स्ट्रा कभरमा मनदीप सिंह आम्बाती रायुडुबाट २७ रनमा क्याच आउट हुन पुगे । सिंहले १६ बलमा २ छक्का प्रहार गरे ।

तल्लोक्रममा निकोलस पूरनले आक्रामक ब्याटिङ गर्दै पन्जाबलाई विशाल योगफलको बाटोतर्फ अघि बढाएका थिए । तर शार्दुल ठाकुरको १८ औं ओभरको पहिलो बलमा ठूलो सट खेलेका पूरनको सट निकै हाइमा गएपछि डिपमिड विकेटमा रविन्द्र जडेजाबाट ३३ रनमा समातिन पुगे । पुरनले १७ बलमा १ चौका र ३ छक्का प्रहार गरे । लगतै अर्को बलमा राहुललाई महेन्द्रसिंह धोनीबाट उत्कृष्ट क्याच गराउँद ठूलो इनिङ खेल्न बाट रोकेका थिए । ग्लेन म्याक्सवेल ११ र शरफराज खान १३ रनमा अविजित रहे ।

रविन्द्र जडेजाले ४ ओभरमा ३० रन खर्चेर १ विकेट लिए । पियुष चवलाले २ ओभरमा २२ रन खर्चेर १ विकेट लिए । शार्दुल ठाकुरले ४ ओभरमा ३९ रन खर्चेर २ विकेट लिए ।

यसअघि पन्जाब पहिलो खेलमा दिल्लीसँग सुपर ओभरमा पराजित भएको थियो । दोस्रो खेलमा रोयल च्यालेन्जर्स बेंगलोरलाई ९७ रनको फराकिलो अन्तरले पराजित गरेको थियो । राजस्थान रोयल्ससँग ४ विकेट र मुम्बईसँग ४८ रनले पराजित भएको थियो । अब पन्जाबले हैदराबादसँग बिहिबार खेल्ने छ ।

चेन्नईले पहिलो खेलमा मुम्बईलाई ५ विकेटले पराजित गरेको थियो । चेन्नई राजस्थानसँग १६ रन, दिल्लीसँग ४४ रन र हैदराबादसँग ७ रनले पराजित भएको थियो । चेन्नईले अव बुधबार कोलकाता नाइट राइडर्ससँग खेल्ने छ ।

आइपिएलको इतिहासमा चेन्नईले १० विकेटले जित निकालेको दोस्रो अवसर हो । यसअघि सन् २०१३ मा पन्जाबले प्रस्तुत गरेको १ सय ३९ रनको लक्ष्य १६ बल आगडि कुनै विकेट नगुमाई पूरा गरेको थियो । यो चेन्नईको दोस्रो जित हो । यसअघि चेन्नईले पहिलो खेलमा मुम्बई इन्डियन्सलाई ५ विकेटले पराजित गरेको थियो । पन्जाबको यो चौथो हार हो ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.