4 years ago
August 2, 2021
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अनुभवी स्पिनर वसन्त रेग्मीले अमेरिका जारी माइनर लिग क्रिकेट टि२० प्रतियोगितामा कसिलो बलिङ गरेका छन् ।
हलिवुड मास्टर ब्लास्टरबाट अमेरिका राष्ट्रिय टि२० क्रिकेट प्रतियोगिता खेलेका वसन्तले कसिलो बलिङ गरेपनि टोलीलाई जिताउन भने सकेनन् । त्यस्तै नेपाली क्रिकेटका मध्यक्रमका ब्याट्सम्यान पृथु बाँस्कोटा प्रदर्शन भने सामान्य रह्यो । हलिवुड सन डिएगो सर्फ राइडर्ससँग ५ विकेटले पराजित भएको छ ।
टस जितेर पहिला ब्याटिङ रोजेको हलिवुडले निर्धारित २० ओभरमा ७ विकेट गुमाउँदै १ सय रन बनाएको थियो । पूर्व नेपाली क्रिकेटर कनिष्क चौगाईं १० बलमा ५ रन बनाउँदै मुर्नाल पटेलको बलमा बोल्ड आउट भएका थिए । पृथु १६ बलमा १ चौका सहित ९ रनमा स्टम्पिङ आउट हुन पुगे । हलिवुडका कोडि क्षेत्रीले ४३ बलमा २ चौका र १ छक्का सहित सर्वाधिक ३९ रनको योगदान दिए । करण विराडियाले ३४ बलमा ३ चौका सहित २९ रनको योगदान दिए । अन्यले दोहोरो अंकमा रन बनाउन सकेनन् ।
सन डिएगोका तिमिल पटेलले ४ ओभरमा १४ रन खर्चेर ३ विकेट लिए । सिद्धार्थ मटानी, मुर्नाल पटेल र मार्टी कैनले एक एक विकेट लिए ।
जितको लागि १ सय १ रनको विजयी लक्ष्य पछ्याएको सन डिएगोले १८.३ ओभरमा ५ विकेटको क्षतिमा पूरा गर्यो । सन डिएगोका ब्रायन्ले रिचर्ड्सले २६ बलमा ४ छक्का सहित ३१ रनमा अविजित रहँदै टोलीको जित पक्का गरे । जुबैर मर्द १३, मुर्नाल १९ र श्री कृष्ण एले २० रनको योगदान दिए ।
हलिवुडका वसन्त रेग्मीले ४ ओभरमा १ मेडन सहित १२ रन खर्चेर १ विकेट लिएपनि टोलीका जिताउन सकेनन् । श्री कृष्णलाई कनिष्कबाट क्याच आउट गराएका थिए । करण विराडियाले सर्वाधिक २ विकेट लिए । निसरग पटेल र अनिश देशपान्डेले एक एक विकेट लिए । हलिवुडले आफ्नो दोस्रो खेलमा शनिवार सिलिकन भ्याली स्ट्राइकर्ससँग खेल्ने छ ।
गत चैतमा वसन्त र मध्यक्रमका ब्याट्सम्यान पृथु बाँस्कोटा टु एक्स क्रिकेट युएसए कप प्रतियोगित खेल्न अमेरिका गएका थिए । उक्त प्रतियोगितापछि अघिल्लो साता पृथुको कप्तानीमा वसन्तले एलए ओपन च्याम्पियनसिप प्रतियोगिता नेपाली राइनोज अल स्टार्सबाट खेलेका थिए । अल स्टार्स क्वाटरफाइनलबाट बाहिरिएको थियो । माइनर लिगमा अमेरिका २१ सहरका २७ टोलीले प्रतिस्पर्धा गर्ने छन् । कुल २ सय खेल हुने छन् । जसबाट एक राष्ट्रिय टि२० च्याम्पियन बन्ने छ ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
