काठमडौं (हम्रो खेलकुद) – नेपाली राष्ट्रिय क्रिकेट टोलीका पूर्व कप्तान तथा सर्वाधिक सफल खेलाडी पारस खड्काको जर्सी नम्बर ७७ प्रयोग नगरिने भएको छ । पारसले गत मंगलबार अन्तर्राष्ट्रिय क्रिकेटबाट सन्न्यासको घोषणा गरेपछि नेपाल क्रिकेट संघ (क्यान) ले ७७ नम्बर जर्सी प्रयोग नगर्ने जनाएको छ ।

क्यानको कार्यान्वयन समितिले आइतबार पारसले नेपाली क्रिकेटमा दिएको योगदानको कदर गर्दै ७७ नम्बरको जर्सी प्रयोगमा नल्याउने निर्णय गरेको हो । उक्त समितिमा क्यानका अध्यक्ष चतुर बहादुर चन्द, सचिव अशोकनाथ प्याकुरेल, कोषाअध्यक्ष रोशन कुमार सिंह, उपाध्यक्ष राजा बाबु श्रेष्ण र सदस्य अमिर बिर पाण्डे रहेका छन् । पारसको सन्न्यास पछि जर्सी नम्बर ७७ खाली बनेको थियो । तर क्यानले आगमी दिनमा पनि प्रयोगमा नल्याउने निर्णय गरेको हो ।

घरेलु क्रिकेट र उमेर समूहमा नेपाली क्रिकेटका युवा अलराउन्डर पवन सरार्फले ७७ रनको जर्सी लगाएका थिए । पारसको सन्न्यासपछि पवन लगायत अन्य युवा खेलाडीलाई सिनियर टोलीमा जर्सी नम्बर ७७ को लगि बाटो खुलेको थियो । तर क्यानले ७७ नम्बर जर्सी आगमी दिनमा नेपाली क्रिकेटमा प्रयोगमा नल्याउने जनाएको छ ।

सन् २००४ मा मलेसियाविरुद्ध डेब्यू गर्दै अन्तर्राष्ट्रिय क्रिकेट यात्रालाई अघि बढाएका पारसले नेपालबाट अन्तिम खेल २०२० मार्च ४ मा थाईल्यान्डविरुद्ध खेलेका थिए । पारसले नेपालका लागि १० ओडिआई, ३३ टि२० आई, २ प्रथम श्रेणी, ४६ लिष्ट ए र ५६ टि२० खेलेका छन् । सन् २००९ देखि २०१९ सम्म नेपाली क्रिकेट टोलीको कप्तानी समालेका थिए । पारसको कप्तानीमा नेपालले पहिलो पटक २०१० मा घरेलु मैदानमा आइसिसी डिभिजन फाइभ देखि ओडिआई मान्यता पाएको थियो । २०१४ मा पहिलो पटक टि२० विश्वकप खेलेको थियो ।

पारस युगको अन्त्य

पारसले सन्न्यास लिनुका पाँच कारण