एजेन्सी – श्रीलंकाले तेस्रो ओडिआई खेलमा दक्षिण अफ्रिकामाथि ७८ रनको सानदार जित हात पारेको छ । योसँगै तीन ओडिआई सिरिज श्रीलंकाले २–१ ले जितेको छ ।

जितको लागि २ सय ४ रनको विजयी लक्ष्य पछ्याएको दक्षिण अफ्रिका ३० ओभरमा १ सय २५ रनमा अल आउट भयो । दक्षिण अफ्रिका हेनरिक क्लासेनले ३० बलमा ३ चौका सहित सर्वाधिक २२ रनको योगदान दिए । जान्नेमान मलान र जर्ज लिन्डे १८–१८ रनमा आउट भए । कप्तान केशव महाराज १५ र एन्डिलो फेहलुकवयो १७ रनमा आउट भए । अन्यले दोहोरो अंकमा रन बनाउन सकेनन् ।

श्रीलंका डेब्यू खेलमै स्पिनर महेश थेक्शानाले १० ओभरमा ३७ रन खर्चेर ४ विकेट लिए । दुश्मन्था चमरा र वानिन्दु हसरंगाले दुई दुई विकेट लिए । प्रवीन जयव्रिकमा चरिथ असालंकाले एक एक विकेट लिए । त्यसअघि कोलोम्बोमा टस जितेर पहिला ब्याटिङ रोजेको श्रीलंकाले निर्धारित ५० ओभरमा ६ विकेट गुमाउँदै २ सय ३ रन बनायो । श्रीलंका चरिथ असालंकाले ७१ बलमा २ चौका सहित सर्वाधिक ४७ रनको योगदान दिए ।

तल्लोक्रममा दुश्मन्था चामिराले ३९ बलमा ३ चौका सहित २९ रन बनाए । अविष्का फ्रनान्डो १०, दीनेश चान्डिमल ९, कामिन्दु मेन्डिस १६ र कप्तान दासुन शनका १३ रनमा आउट भए । धनन्जय डि सिल्भा ४४ बलमा २ चौका सहित ३१ रन जोडे । दक्षिण अफ्रिका स्पिनर केशव महाराजले सर्वाधिक तीन विकेट लिए । जर्ज लिन्डे र तबरेज शाम्सीले दुई दुई विकेट लिए । वियान मुल्डर र एडेन माक्ररमले एक एक विकेट लिए ।

दुश्मन्था चामिरा प्लेयर अफ द म्याच चुनिए । चारिथ असालंका प्लेयर अफ द म्याच चुनिए । श्रीलंका पहिलो खेलमा १४ रनले विजयी भएको थियो । दोस्रो खेलमा डकवर्थ लेविस पद्धतिको आधारमा ६७ रनले पराजित भएको थियो । दक्षिण अफ्रिका र श्रीलंकाबीच तीन टि२० आई सिरिज हुने छ । पहिलो खेल शुक्रबार हुने छ ।