एजेन्सी – उपाधिको बलियो दाबेदार भारतले आगमी अक्टोबर नोभेम्बरमा संयुक्त अरब इमिरेट्स (युएई) र ओमानमा हुने टि२० विश्वकपको लागि आफ्नो अन्तिम टोली घोषणा गरेको छ । विराट कोहलीको कप्तानीमा १५ सदस्य टोली घोषणा गरेको छ ।

विश्वकप टोलीमा रविचन्द्रन आश्विन पर्दा युजभेन्द्र चहल, शिखर धवन, पृथ्वी शा, क्रुनाल पान्ड्या र दीपक चाहर लगायतका खेलाडीले अन्तिम टोलीमा स्थान बनाउन सकेका छैनन् । सन् २०१७ यता भारतबाट सिमित ओभरको नखेलेका आश्विन विश्वकप टोलीमा रहँदा पहिलो रोजाइमा खेल्दै आएका लेगस्पिनर चहल भने टोलीमा छैनन् ।

शिखर धवन, सन्जु स्यामसन, पृथ्वी शा लगायतका ब्याट्सम्यान टि२० विश्वकप टोलीमा छैनन् । भारतले चार प्रमुख स्पिनर टोलीमा राखेको छ । तीव्र गतिका बलरको रुपमा तीन मात्र प्रमुख बलर छन् । भारतले टोलीमा ब्याटिङ र पिचको अवस्थालाई बढी जोड दिँदै टोली घोषणा गरेको छ ।

भारत टि२० विश्वकपको सुपर १२ को समूह बी मा छ । समूह बी मा भारत, पाकिस्तान, न्युजिल्यान्ड, अफगानिस्तान, समूह बी को विजेता र समूह ए को उप विजेता छन् ।

ईशान किशन र सूर्यकुमार यादवले टि२० विश्वकपमा स्थान पक्का गरेका छन् । श्रेयस ऐर, शार्दूल ठाकुर र दीपक चाहर वैकल्पिक खेलाडीको रुपमा छन् । भारतले अक्टोबर २४ मा पाकिस्तानसँग खेल्दै विश्वकपमा सुरुवात गर्ने छ । टि२० विश्वकप अक्टोबर १७ देखि नोभेम्बर १४ सम्म यूएई र ओमानमा चल्ने छ ।

भारतको टि२० विश्वकप टोली:

विराट कोहली (कप्तान), रोहित शर्मा (उपकप्तान), लोकेश राहुल, सूर्यकुमार यादव, ऋषभ पन्त (विकेटकिपर), ईशान किशन (विकेटकिपर), हार्दिक पान्ड्या, रभिन्द्र जडेजा, राहुल चाहर, रविचन्द्रन आश्विन, अक्षर पटेल, बरुण चक्रवर्ती, जस्प्रित बुमराह, भुवनेश्वर कुमार र मोहम्मद शामी

वैकल्पिक खेलाडी : श्रेयस ऐर, शार्दूल ठाकुर र दीपक चाहर