3 years ago
September 9, 2021
एजेन्सी – बंगलादेशले अर्को महिना संयुक्त अरब इमिरेट्स (यूएई) र ओमानमा आयोजना हुने टि२० विश्वकपको लागि टोली घोषणा गरेको छ । महमुदूल्लाह रियादको कप्तानीमा बंगलादेशले १५ सदस्य टोली घोषणा गरेको हो । अनुभवी ब्याट्सम्यान मुश्फिकुर रहिमलाई टोलीमा समेट्दा सर्वाधिक सफल ओपनर तमिम इकबाल विश्वकप टोलीमा छैनन् । इकबालले यसअघिनै आफूले विश्वकप नखेल्ने बताएका थिए । […]
एजेन्सी – बंगलादेशले अर्को महिना संयुक्त अरब इमिरेट्स (यूएई) र ओमानमा आयोजना हुने टि२० विश्वकपको लागि टोली घोषणा गरेको छ । महमुदूल्लाह रियादको कप्तानीमा बंगलादेशले १५ सदस्य टोली घोषणा गरेको हो ।
अनुभवी ब्याट्सम्यान मुश्फिकुर रहिमलाई टोलीमा समेट्दा सर्वाधिक सफल ओपनर तमिम इकबाल विश्वकप टोलीमा छैनन् । इकबालले यसअघिनै आफूले विश्वकप नखेल्ने बताएका थिए । पछिल्लो समय उत्कृष्ट प्रदर्शन गर्दै आएका खेलाडीलाई बंगलादेशले निरन्तरता दिएको छ ।
बंगलादेश पहिलो चरणको समूह बी मा छ । बंगलादेशसँगै ओमान, नामिबिया र पपुवा न्युगिनी छन् ।
टि२० विश्वकप अक्टोबर १७ देखि नोभेम्बर १४ सम्म चल्ने छ । बंगलादेश भएका पहिलो समूह चरणका खेलहरु ओमानमा हुने छन् । बंगलादेशले पहिलो खेल अक्टोबर १७ मा स्कटल्यान्डसँग खेल्ने छ । अक्टोबर १९ मा ओमान र अक्टोबर २१ मा पिएनजीसँग खेल्ने कार्यक्रम छ । समूह बी बाट शीर्ष दुई रहन सके सुपर १२ मा स्थान बनाउने छ ।
घरेलु मैदानमा अष्ट्रेलिया र न्युजिल्यान्डविरुद्ध ऐतिहासिक टि२० आई सिरिज जितेको बंगलादेश उच्च मनोबलका साथ विश्वकप खेल्दै छ । अघिल्लो महिना अष्ट्रेलियाविरुद्ध पाँच टि२० आई सिरिज बंगलादेशले ४–१ ले जितेको थियो । न्युजिल्यान्डसँगको पाँच टि२० आई सिरिज एक अगावै ३–१ ले जिति सकेको छ ।
बंगलादेशको टोली : महमुदूल्लाह रियाद (कप्तान), सकिब अल हसन, मुश्फिकुर रहिम, सौम्य सरकार, लिटन दास, अफिफ हुसैन, मोहम्मद नईम शेख, नुरुल हसन (विकेटकिपर), समिम हसनैन, मुस्ताफिजुर रहमान, तस्किन अहमद, मोहम्मद सैफउद्दिन, शोरिफुल ईस्लाम, माहेदी हसन र नासुम अहमद ।
भ्रमण वैकल्पिक खेलाडी :
रुबेल हसन र नमिनुल इस्लाम
टि२० विश्वकपमा समूह चरण :
पहिलो चरण :
समूह ए : नेदरल्यान्ड्स, आयरल्यान्ड, नामिबिया र श्रीलंका
समूह बी : ओमान, पिएनजी, बंगलादेश र स्टकल्यान्ड
सुपर १२ :
समूह ए : इंग्ल्यान्ड, वेस्टइन्डिज, दक्षिण अफ्रिका, अष्ट्रेलिया, पहिलो चरणको समूह ए को विजेता र समूह बी को उपविजेता ।
समूह बी : भारत, पाकिस्तान, अफगानिस्तान, न्युजिल्यान्ड, पहिलो चरणको समूह बी को विजेता र समूह ए को उपविजेता ।
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]
April 25, 2024
काठमाडौं (हाम्रो खेलकुद) – आइसीसी टि२० विश्वकपको तयारीका लागि वेस्ट इन्डिज ए विरुद्ध खेल्ने सिरिजका लागि नेपालले १६ सदस्यीय टोली घोषणा गरेको छ । एसीसी प्रिमियर कपका लागि ओमान पुगेको टोलीमा ब्याटर आरिफ शेखलाई समेट्दै १६ सदस्यीय टोली घोषणा गरिएको हो । युवा बलर आकाश चन्द पनि वेस्ट इन्डिज ए सिरिजमा छन् । उनी ओमानमा […]