default_image

3 years ago

September 17, 2021

कप्तान ज्ञानेन्द्रको अर्धशतक, पारसको कीर्तिमान तोडे

काठमाडौं (हाम्रो खेलकुद) – नेपाली क्रिकेट टोलीका कप्तान ज्ञानेन्द्र मल्लले आइसिसी विश्वकप लिग–२ त्रिकोणात्मक ओडिआई सिरिज अन्तर्गत अमेरिकासँग दोस्रो खेलमा संयमित अर्धशतक प्रहार गरेका छन् । ज्ञानेन्द्रले ९१ बलमा आफ्नो ओडिआई करिअरको तेस्रो अर्धशतक प्रहार गरेका हुन् । अर्धशतक बनाउने क्रममा ज्ञानेन्द्र नेपालबाट ओडिआईमा सर्वाधिक धेरै रन बनाउने ब्याट्सम्यान पनि बनिसकेका छन् । ज्ञानेन्द्रले पूर्व […]

204 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका कप्तान ज्ञानेन्द्र मल्लले आइसिसी विश्वकप लिग–२ त्रिकोणात्मक ओडिआई सिरिज अन्तर्गत अमेरिकासँग दोस्रो खेलमा संयमित अर्धशतक प्रहार गरेका छन् ।

ज्ञानेन्द्रले ९१ बलमा आफ्नो ओडिआई करिअरको तेस्रो अर्धशतक प्रहार गरेका हुन् । अर्धशतक बनाउने क्रममा ज्ञानेन्द्र नेपालबाट ओडिआईमा सर्वाधिक धेरै रन बनाउने ब्याट्सम्यान पनि बनिसकेका छन् । ज्ञानेन्द्रले पूर्व कप्तान पारस खड्कालाई पछि पार्दै सर्वाधिक धेरै रन बनाउने खेलाडी बनेका हुन् ।

पारसले १० खेलमा १ हजार ३ सय १५ रन बनाएका थिए । उनलाई पछि पार्दै ज्ञानेन्द्र सर्वाधिक धेरै रन बनाउने नेपाली खेलाडी बनेका हुन् । ज्ञानेन्द्रले अर्धशतक बनाउन सम्म १५ खेलमा १ हजार ३ सय ६२ रन बनाई सकेका छन् ।

अल अमरेत क्रिकेट मैदानमा टस हारेर ब्याटिङको निम्तो पाएको नेपालले ४१ ओभरमा ७ विकेट गुमाउँदै १ सय ४४ रन बनाएको छ । ज्ञानेन्द्र मल्ल ९१ बलमा ३ चौका सहित ५० रनमा खेलि रहेका छन् ।

नेपालले तेस्रो ओभरमै ओपनर आसिफ शेखलाई गुमाएको थियो । डेब्यू खेल खेलेका तीव्र गतिका बलर काइल फिलिपको बलमा आसिफ ठूलो सट खेल्ने धुनमा टप एज लागेर करिमा गोरबाट तीन रनमा क्याच आउट हुन पुगेका थिए । आसिफ आउट हुँदा नेपाल ५–१ को अवस्थामा थियो । दोस्रो विकेटका लागि कुशल र ज्ञानेन्द्रले ५१ रनको साझेदारी गर्दै इनिङलाई अगाडि बढाएका थिए ।

स्पिनर करिमाले १२ औं ओभरको तेस्रो बलमा कुशललाई ३६ रनमा बोल्ड आउट गरेका थिए । कुशलले ४३ बलमा ५ चौका र १ छक्का प्रहार गरे । एल्मोर हचिन्सनको १५ औं ओभरको तेस्रो बलमा रोहित कुमार पौडेल दुई रनमा क्याच आउट भएपछि नेपाल ६३–३ को अवस्थामा पुगेको छ । कभरमा करिमाले एक हातले उत्कृष्ट क्याच लिएपछि रोहित पेभिलिएन फर्किनु परेको छ ।

२४ औं ओभरको तेस्रो बलमा विकेटकिपर विनोद भण्डारी १० रनमा क्याच आउट भएका थिए । नेपालले सबैलाई आश्चार्य पार्दै गुलशनलाई ब्याटिङमा अगाडि पठाएको थियो । कुशल मल्ल, सोमपाल कामी र करण केसी जस्ता खेलाडीलाई पछि राख्दै गुलशनलाई नेपालले छैटौं नम्बरमा ब्याटिङ गराएको थियो । गुलशन झाले ३३ औं ओभरको दोस्रो बलमा ब्यक्तिगत १४ रनमा जीवनदान पाएका थिए । स्पिनर नास्टुश केन्जिगेको बलमा फस्ट स्लिपमा रहेका स्टिभ टेलरले क्याच ड्रप गरेका थिए ।

३९ औं ओभरमा नेपालले दुई विकेट गुमाएको थियो । कप्तान सौरभ नेत्रवालकारको दोस्रो बलमा गुलशन २८ रनमा क्याच आउट भए । ५३ बल खेलेका गुलशनले २ चौका र १ छक्का प्रहार गरे । चार बलपछि कुशल मल्ल शून्यमा पेभिलिएन फर्के । यसअघिका चार खेलमा पनि कुशल खराब प्रदर्शन गरेका थिए । सुरुवाती तीन खेलमा लगातार एक एक खेलमा आउट भएका थिए । ओमानसँगको खेलमा चार रनमा आउट भएका थिए । सोमपाल कामी दुई रनमा आउट भएसँगै नेपाल संकटमा परेको छ ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.