काठमाडौं (हाम्रो खेलकुद) – नेपाल एपिएफ क्लबका युवा ब्याट्सम्यान सुमित महर्जनलाई यति स्पोर्ट्सले क्रिकेट सामग्री प्रायोजन गरेको छ । सुमितलाई एक वर्षको लागि यति स्पोर्ट्सले प्रायोजन गरेको हो ।

यति स्पोर्ट्सका मालिक सुधिर महर्जन र सुमितबीच एक वर्षको सम्झौता भएको छ । सम्झौता अनुसार सुमितलाई आवश्यक पर्ने क्रिकेट सामग्री एकवर्ष सम्म यति स्पोर्ट्सले प्रदान गर्ने छ । प्रायोजनपछि सुमितले आफूलाई धेरै सहयोग मिल्ने बताए । ‘कुनै सामग्री किन्न पर्दा आर्थिक रुपमा कठिन भएको हुन्छ । यस प्रायोजनले आर्थिक रुपमा पनि धेरै राहत भएको महसुस गरेको छु’, सुमितले सम्झौतापछि भने ।

सुमितले शनिवारबाट सुरु हुने चौथो संस्करणको एभरेष्ट प्रिमियर लिग उनले विराटनगर वारियर्सबाट खेल्दैछन् । घरेलु क्रिकेट सुमितले एपिएफबाट खेल्दै आएका छन् । नेपाली यू१६ को कप्तानी भूमिका निर्वाह गरि सकेका सुमित मध्यक्रममा नेपाली ब्याटिङमा सम्भावना देखाएका युवा खेलाडी हुन् । सन् २०१४ मा नेपालको यू-१६ टोलीको कप्तानी सम्हालेका थिए ।

यू९१६ मा उनको कप्तानीमा नेपालले एसीसी इस्टर्न रिजन यू-१६ को उपाधि जितेको थियो । नेपाली घरेलु क्रिकेटमा पर्याप्त अवसर पाउन नसक्दा उनी ओझेलमा पर्दै आएका छन् । सुमित नेपाली राष्ट्रिय टोलीको बन्द प्रशिक्षणमा स्थान बनाउँदै आएका छन् । तर बन्द प्रशिक्षणबाट अन्तिम टोलीमा स्थान बनाउन संघर्षरथ छन् ।

सुमितको बारे सम्पूर्ण जानकारी पाउन यो पढ्नुहोस् : सिमित अवसरमा फक्रिएका सुमित