default_image

3 years ago

September 24, 2021

नेपालमा खेल्न तमिम उत्साहित

काठमाडौं (हाम्रो खेलकुद) – बंगलादेशको राष्ट्रिय क्रिकेट टोलीका ओपनर तमिम इकबालले नेपालमा खेल्न उत्साहित रहेको बताएका छन् । तमिम शनिबारदेखि सुरु हुने एभरेष्ट प्रिमियर लिग (इपिएल) खेल्न शुक्रबार राती नेपाल आइपुगेका हुन् । भैरहवा ग्ल्याडीयटर्ससँग अनुबन्धित तामिमले त्रिभुवन विमानस्थलमा शुक्रबार बोल्दै नेपालमा खेल्न उत्साहित रहेको बताए । ‘राम्रो लागिरहेको छ । नेपालमा खेल्न उत्साहित छु […]

39 views

0 Bookmark

काठमाडौं (हाम्रो खेलकुद) – बंगलादेशको राष्ट्रिय क्रिकेट टोलीका ओपनर तमिम इकबालले नेपालमा खेल्न उत्साहित रहेको बताएका छन् । तमिम शनिबारदेखि सुरु हुने एभरेष्ट प्रिमियर लिग (इपिएल) खेल्न शुक्रबार राती नेपाल आइपुगेका हुन् ।

भैरहवा ग्ल्याडीयटर्ससँग अनुबन्धित तामिमले त्रिभुवन विमानस्थलमा शुक्रबार बोल्दै नेपालमा खेल्न उत्साहित रहेको बताए । ‘राम्रो लागिरहेको छ । नेपालमा खेल्न उत्साहित छु । नेपाल एकदम सुन्दर देश हो । मैले यसअघि सन् २०१४ को विश्वकपमा नेपालविरुद्ध खेलेको थिएँ,’ उनले भने, ‘इपिएलमा खेल्नका लागि तयार छु । आशा गरौं हाम्रो लागि प्रतियोगिता राम्रो हुनेछ र मैले टोलीको लागि योगदान दिनेछु ।’

नेपालमा पहिलो पटक आएका तमिमले इपिएललाई आफ्नो करिअरको नयाँ चुनौतीको रुपमा लिएका छन् । ‘म यहाँ आउनुअघि देखि नै टोलीसँग नियमित सम्पर्कमा छु । मेरो लागि करिअरमा यो नयाँ चुनौती हो । अब पर्सीको खेलको लागि तयारी गरिरहेको छु,’ उनले भने ।

नेपाली क्रिकेटबारे भने खासै जानकारी नरहेको उनले स्वीकारे । ‘नेपाली क्रिकेटबारे धेरै थाहा छैन । यसअघि विश्वकपमा एकपटक खेलेको छु । सन्दीप लामिछाने बंगलादेशको लिग खेल्न आएका थिए, उनलाई चिनेको छु ।अन्य केहि खेलाडीलाई पनि चिनेको छु,’ उनले थपे ।

अर्को महिना ओमान र यूएईमा हुने टि२० विश्वकपका लागि तमिमले आफैं बंगलादेशको टोलीमा नरहने बताएका थिए । उनी चोटका कारण बाहिर रहेको बेलामा अन्य खेलाडीले लगातार टि२० मा राम्रो प्रदर्शन गरेका कारण उनले आफैं टोलीमा नरहने बताएका थिए । उनले पछिल्लो ३ सातादेखि भने स्थितिमा सुधार आएको बताए ।

‘म पछिल्लो २-३ महिनायता चोटका कारण बाहिर थिएँ । पछिल्लो ३ सातायता भने स्थितिमा सुधार भएर खेल्न सक्ने भएको छु । बंगलादेशमा पनि प्रशिक्षण गरिरहेको थिएँ । आशा छ कि राम्रो सुरुवात गर्नेछु । पर्सीको नतिजा के हुन्छ भन्न सक्दिन तर आफ्नो तर्फबाट सक्दो राम्रो गर्ने प्रयास हुनेछ,’ उनले टुंग्याए ।

३२ वर्षिय बायाँ हाते बंगलादेशका सर्वाधिक सफल ब्याट्सम्यान तमिमले ६४ टेस्ट, २ सय १९ ओडिआई, ७८ टि२० अन्तर्राष्ट्रिय खेल खेलेका छन् । तमिमसँग २ सय २९ टि२० खेलको अनुभव छ । तमिम बंगलादेशबाट टेस्ट र ओडिआईमा सर्वाधिक रन बनाउने ब्याट्सम्यान हुन् । टि२० आईमा बंगलादेशबाट सर्वाधिक रन बनाउनेमा दोस्रो स्थानमा छन् ।

३२ वर्षिय बायाँ हाते बंगलादेशका सर्वाधिक सफल ब्याट्सम्यान तमिमले ६४ टेस्ट, २ सय १९ ओडिआई, ७८ टि२० अन्तर्राष्ट्रिय खेल खेलेका छन् । तमिमसँग २ सय २९ टि२० खेलको अनुभव छ । तमिम बंगलादेशबाट टेस्ट र ओडिआईमा सर्वाधिक रन बनाउने ब्याट्सम्यान हुन् । टि२० आईमा बंगलादेशबाट सर्वाधिक रन बनाउनेमा दोस्रो स्थानमा छन् ।

भैरहवा टोली : शरद भेषावकर (कप्तान), रोहित कुमार पौडेल, आरिफ शेख, कुशल मल्ल, अभिनाश बोहरा, प्रदीप ऐरी, भुवन कार्की, कृष्ण कार्की, हरिशंकर शाह, दीपेश श्रेष्ठ, विकास आग्री, दुर्गेश गुप्ता, हिमान्शु दत्त, तुल बहादुर थापा, मौसम ढकाल, तमिम इकबाल (बंगलादेश), उपुल थरंगा (श्रीलंका), धाम्मिका प्रसाद (श्रीलंका) र शार्विन मुनिआन्दी (मलेसिया)

यो पनि :

प्रशिक्षक पुबुदु भन्छन् – ‘नेपाली क्रिकेटलाई सहयोग गर्न सधैं तयार छु’

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.