2 years ago
October 22, 2021
एजेन्सी – आइसिसी टि२० विश्वकप २०२१ अन्तर्गत पहिलो चरणको समूह ए को अन्तिम खेलमा नेदरल्यान्ड्स श्रीलंकासँग ४४ रनमा अल आउट भएको छ । शारजाह क्रिकेट स्टेडियममा टस हारेर ब्याटिङको निम्तो पाएको नेदरल्यान्ड्स १० ओभरमा ४४ रनमा अल आउट भएको हो । नेदरल्यान्ड्सका १० खेलाडीले दोहोरो अंकमा रन बनाउन सकेनन् । ४ खेलाडीले खाता खोल्न सकेनन् […]
एजेन्सी – आइसिसी टि२० विश्वकप २०२१ अन्तर्गत पहिलो चरणको समूह ए को अन्तिम खेलमा नेदरल्यान्ड्स श्रीलंकासँग ४४ रनमा अल आउट भएको छ । शारजाह क्रिकेट स्टेडियममा टस हारेर ब्याटिङको निम्तो पाएको नेदरल्यान्ड्स १० ओभरमा ४४ रनमा अल आउट भएको हो ।
नेदरल्यान्ड्सका १० खेलाडीले दोहोरो अंकमा रन बनाउन सकेनन् । ४ खेलाडीले खाता खोल्न सकेनन् । नेदरल्यान्ड्सका कोलिन एक्रमनले ९ बलमा १ चौका र १ छक्का सहित सर्वाधिक ११ रन बनाए । स्कट एडवाड्र्सले ८, म्याक्स ओडाउड २, बेन कुपर ९ र पिटार सिलार २ रनमा आउट भए ।
श्रीलंका स्पिनर वानिन्दु हसरंगाले ३ ओभरमा ९ रन खर्चेर ३ विकेट लिए । तीव्र गतिका बलर लाहिरु कुमाराले ३ ओभरमा १ मेडन सहित ७ रन खर्चेर ३ विकेट लिए । महेश थेक्सनाले १ ओभरमा ३ रन खर्चेर २ विकेट लिए । दुश्मन्था चामिराको नाममा १ विकेट रह्यो ।
टि२० विश्वकप इतिहासमा यो दोस्रो कम योगफल हो । यसअघि २०१४ को टि२० विश्वकपमा नेदरल्यान्ड्सनै श्रीलंकाविरुद्ध १०.३ ओभरमा ३९ रनमा अल आउट भएको थियो । विश्वकपमा सबैभन्दा कम योगफल बनाउने सूचिमा नेदरल्यान्ड्सपछि न्युजिल्यान्ड छ ।
न्युजिल्यान्ड २०१४ मानै श्रीलंकासँग १५.३ ओभरमा ६० रनमा अल आउट भएको थियो । टि२० आई इतिहासकै सबैभन्दा कम योगफल भने २१ रन छ । २०१९ मा टर्की चेक रिपब्लिकनसँग ८.३ ओभरमा २१ रनमा अल आउट भएको थियो ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]