एजेन्सी – आइसीसी टि२० विश्वकप अन्तर्गत सुपर १२ को खेलमा पाकिस्तानविरुद्ध भारतका दुवै ओपनर सस्तोमा पेभेलियन फर्केका छन् ।

ओपनर रोहित शर्मा शाहिन अफ्रिदीको बलमा गोल्डेन डक आउट भएका हुन् । दुबईमा टस हारेर पहिला ब्याटिङ थालेको भारतले सुरुवाती ३ ओभरमा २ विकेट गुमाउँदै १४ रन बनाएको छ । भारतका सुर्य कुमार यादव ७ र विराट कोहली ४ रनमा अविजित छन् ।

तिव्र गतिका बलर शाहिन शाह अफ्रिदीले पहिलो ओभरको चौथो बलमा रोहितलाई शुन्यमा एलबीडब्लू आउट गरेका थिए । रोहित सामना गरेको पहिलो बलमै आउट भएका थिए । अफ्रिदीले तेस्रो ओभरको पहिलो बलमा लोकेश राहुललाई ३ रनमा बोल्ड आउट गरेपछि पाकिस्तानले उत्कृष्ट सुरुवात गरेको छ ।

यसअघि टि२० विश्वकपमा भारत र पाकिस्तानबीच कुल ५ खेल भएको छ । भारत ५ खेलमानै विजयी भएको छ । सन् २००७ को समूह चरणमा भारत खेल बराबर भएपछि बल आउट (बलले स्टम्प ताक्ने) रुपमा विजयी भएको थियो । उक्त फाइनलमा ५ रनले हराउँदै उपाधि जितेको थियो । भारत २०१२ को टि२० विश्वकपमा ८ विकेट, २०१४ कोमा ७ र २०१६ को मा ६ विकेटले विजयी भएको थियो ।

भारतको सुरुवाती ११ – विराट कोहली (कप्तान), रोहित शर्मा (उपकप्तान), लोकेश राहुल, सूर्यकुमार यादव, ऋषभ पन्त (विकेटकिपर), हार्दिक पान्ड्या, रविन्द्र जडेजा, वरुण चक्रवर्ती, जस्प्रित बुमराह, भुवनेश्वर कुमार र मोहम्मद शामी

पाकिस्तानको सुरुवाती ११ – बाबर आजम (कप्तान), शादब खान, आसिफ अली, हरिस रौफ, हसन अली, ईमाद वासिम, मोहम्मद हफिज, फखर जमान, मोहम्मद रिजवान (विकेटकिपर), शाहिन शाह अफ्रिदी र शोएब मलिक

प्रत्यक्ष प्रसारण : नेपालमा स्टार स्पोर्ट्सका च्यानलबाट लाइभ हेर्न सकिनेछ ।