एजेन्सी – आइसिसी टि२० विश्वकप २०२१ सुपर १२ को समूह बी को खेलमा अफगानिस्तानले पाकिस्तानविरुद्ध पहिला ब्याटिङ गर्ने भएको छ । दुबई इन्टरनेशनल क्रिकेट स्टेडियममा अफगानिस्तानका कप्तान मोहम्मद नाबीले टस जितेर पहिला ब्याटिङ गर्ने निर्णय लिएका हुन् । दुबै टोलीले आजको खेलमा टोलीमा परिवर्तन गरेका छैनन् ।

पाकिस्तान लगातार तेस्रो जितका साथ सेमिफाइनल सम्भावना बलियो बनाउन चाहन्छ । पहिलो खेलमा भारतलाई १० विकेट र दोस्रो खेलमा न्युजिल्यान्डलाई ५ विकेटले हराएको पाकिस्तानको सेमिफाइनल सम्भावना बलियो छ । यता पहिलो खेलमा स्कटल्यान्डलाई १ सय ३० रनको फराकिलो अन्तरले हराएको अफगानिस्तानको मनोबल उच्च छ । अफगानिस्तान उत्कृष्ट स्पिन आक्रामणको सहयोगमा पाकिस्तानलाई स्तब्ध पार्ने सोचमा छ ।

हेड टु हेड :

पाकिस्तान र अफगानिस्तानबीच हालसम्म एक मात्र टि२० आई खेल भएको छ । सन् २०१३ मा भएको एक मात्र टि२० आई खेलमा पाकिस्तानले अफगानिस्तानलाई ६ विकेटले हराएको थियो ।

अफगानिस्तानको प्लेइङ ११ :

हज्रातुल्लाह जजाई, मोहम्मद शाहजाद (विकेटकिपर), नविन उल हक, करिम जन्नत, गुलबदीन नाबी, रहमानउल्लाह गुर्बाज, नाजिबुल्लाह जद्रान, मोहम्मद नाबी (कप्तान), गुलबदीन नाबी, राशिद खान र मुजिब उर रहमान ।

पाकिस्तानको प्लेइङ ११ :

बाबर आजम (कप्तान), शादब खान, आसिफ अली, हरिस रौफ, हसन अली, ईमाद वासिम, मोहम्मद हफिज, फखर जमान, मोहम्मद रिजवान (विकेटकिपर), शाहिन शाह अफ्रिदी र शोएब मलिक ।