एजेन्सी – न्युजिल्यान्डका ओपनर डर्याल मिचेलले देशको लागि जित्ने कुनैपनि खेल विशेष हुने बताएका छन् । आइसिसी टि२० विश्वकप २०२१ को पहिलो सेमिफाइनलमा इंग्ल्यान्डलाई हराउँदै पहिले पटक फाइनलमा पुर्याएपछि न्युजिल्यान्डका ओपनर मिचेलले खेलपछि उक्त प्रतिक्रिया दिएका हुन् । न्युजिल्यान्डलाई फाइनलमा पुर्याउन मिचेलले ४७ बलमा ४ चौका र ४ छक्का सहित ७२ रनमा अविजित रहँदै प्लेयरअफ द म्याच चुनिएका थिए ।

‘ तपाईंले आफ्नो देशको लागि जितेको कुनैपनि खेल धरै विशेष हुन्छ, विश्वकप सेमिफाइनलको कुरा छाड्नुहोस्’, न्युजिल्यान्डलाई फाइनलमा पुर्यापछि डर्याल मिचेलले भने । ‘विश्वकपमा मेरो देशको प्रतिनिधित्व गर्न पाउनु आफैमा ठूलो सम्मानको कुरा हो । आगमी केहि दिनमा ठूलो खेल (फाइनल) हुँदै छ । त्यसको लागि हामी धेरै उत्साहित छौं’ , उनले भने ।

न्युजिल्यान्डलाई जितको लागि अन्तिम २४ बलमा ५७ रन चाहिँएको थियो । त्यो अवस्थामा खेल जिताउन सक्नेमा आत्माविश्वास रहेको बताएका छन् । ‘विशेषगरि एकतर्फ बाउन्ड्री छोटो थियो । यो इन्चको खेल हो । हामी अल आउट पनि हुन सक्थ्यौं । यदि निश्चित संख्यामा राख्यौं भने मौका थियो । मैले खेल हाम्रो पकडबाट गुमेको कहिल्यै अनुभव गरिन’, उनले भने । त्यसैमा उनले थपे, ‘हाम्रो देशको जनसंख्या ५० लाख मात्र छ । त्यसैले हामीले हाम्रो देशको प्रतिनिधित्व गर्न पाउँदा धेरै गर्व गछौं । आज राती यस सिजनको आनन्द लिने छौं । फाइनल तयारीको लागि चाँडै अघि बढ्ने छौं ‘

मिचेलले जिमी निशमको प्रदर्शनको प्रशंसा गरेका छन् । ” जिमीले बल प्रहार गर्ने तरिका एकदम विशेष थियो । त्यसैले हामी अन्तिम केहि ओभरमा मोमेन्ट फर्कायौं ।’

शेख जायद स्टेडियम आबूधाबीमा टस हारेर ब्याटिङ थालेको इंग्ल्यान्डले निर्धारित २० ओभरमा ४ विकेट गुमाउँदै १ सय ६६ रन बनाएको थियो । इंग्ल्यान्डका मोईन अली ३७ बलमा ३ चौका र २ छक्का सहित सर्वाधिक ५१ रनमा अविजित रहेका थिए । जितको लागि १ सय ६७ रनको विजयी लक्ष्य पछ्याएको न्युजिल्यान्डले १९ ओभरमा ५ विकेट गुमाउँदै पूरा गर्यो । न्युजिल्यान्डका ओपनर डर्याल मिचेल ४७ बलमा ४ चौका र ४ छक्का सहित ७२ रनमा अविजित रहँदै फाइनलमा पुर्याए ।

न्युजिल्यान्डले उपाधिको लागि आइतबार पाकिस्तान र अष्ट्रेलिया मध्य एकसँग खेल्नेछ । दोस्रो सेमिफाइनलमा बिहीबार अष्ट्रेलिया र पाकिस्तानबीच प्रतिस्पर्धा हुँदैछ ।

यो पनि पढ्नुहोस् :

न्युजिल्यान्ड पहिलो पटक टि२० विश्वकपको फाइनलमा

न्युजिल्यान्डलाई ऐतिहासिक फाइनलमा पुर्याउन नायक बनेका पाँच खेलाडी