कराँतेका विप्लवलाई स्वर्ण

काठमाडौं (हाम्रो खेलकुद) – कराँतेका विप्लव श्रेष्ठले १३ औं दक्षिण एसियाली खेलकुद (साग) को ८४ केजी माथि तौल समूहको स्पर्धामा स्वर्ण जितेका छन् ।

दिवसले फाइनलमा पाकिस्तानका मोहमद बाजलाई पराजित गर्दै नेपालका लागि दशौँ स्वर्ण जितेका हुन् । त्यसअघि उनले श्रीलंकाका मग्गोनालाई टेक्निकलका आधारमा पराजित गर्दै फाइनलमा स्थान बनाएका थिए । कराँतेमा यो पाँचौ स्वर्ण हो । यसअघि काँतामा नेपालले ३ स्वर्ण जितेको थियो । काँतामा टिम इभेन्टको महिला र पुरुष तथा एकलतर्फ मन्डेकाजी श्रेष्ठले स्वर्ण जितेका थिए । कुमुतेतर्फ लक्ष्मण तामाङपछि यो दोस्रो स्वर्ण हो ।

नेपालका लागि तेक्वान्दोबाट पनि ४ स्वर्ण आएको छ । पुम्सेतर्फ कमल श्रेष्ठ, पार्वती गुरुङ, सिमा मादेन लिम्बू र आयशा शाक्यले स्वर्ण पदक हात पारेका छन् । ट्रायथलनमा पनि सोनी गुरुङले स्वर्ण पदक हात पारेकी छिन् ।