वाइवाइ डाइनामाइट कन्टेस्ट विजेतालाई पुरस्कार वितरण

काठमाडौं (हाम्रो खेलकुद) – कोपा अमेरिका २०२१ र युरोपेली च्याम्पियनसिप २०२० को फाइनलमा लागि हाम्रो खेलकुद डट कम र सिजी फुड्सको उत्पादन वाइवाइ डाइनामाइटले संयुक्त रुपमा आयोजना गरेको कन्टेस्टको विजेतालाई पुरस्कार वितरण गरिएको छ ।

दुवै महादेशीय प्रतियोगिताको फाइनलमा गरेर कुल ९ हजार जनाले स्कोर अनुमान लगाएका थिए । त्यसमध्य सहि स्कोर मिलाउने ५-५ जनाले प्रतिव्यक्ति २ बक्स डाइनामाइट चाउचाउ जितेका थिए । दुवै कन्टेस्टमा सहभागिता जनाउने ५-५ जनाले प्रतिव्यक्ति १-१ बक्स चाउचाउ प्राप्त गरेका थिए । विजेताहरुलाई सिजी प्रतिनिधिमार्फत पुरस्कार हस्तान्तरण गरिएको थियो ।

सिजीले वाइवाइ डाइनामाइट चाउचाउ एक्स्ट्रा स्पाइसी चिकेन स्वादमा सय ग्राम तौलको प्याकमा उपलब्ध गराएको छ । यसको बजार मूल्य ५० रूपैयाँ कायम गरिएको छ । चाउचाउको प्याकमा सिजनिङ स्यासे, स्वाद बढाउने मसला पेस्ट र सुकाइएका तरकारी राखिएका छन् । यो सामान्य खुद्रा पसलदेखि सुपर मार्केटसम्म सजिलै उपलब्ध रहेको छ ।