एजेन्सी – ब्राजिली विंगर भिनिसियस जुनियर र सर्वियन फरवार्ड लुका जोभिकको गाल मद्दतमा स्पेनिस ला लिगाको शीर्षस्थानमा रहेको रियल म्याड्रिडले रियल सोसिडाडलाई पराजित गरेको छ ।

रियलले घरेलु टोलीमाथि २–० को सहज जित निकाल्दै शीर्षस्थानमा पकड बलियो बनाएको हो । दुवै गोल दोस्रो हाफमा सम्भव भएको थियो । चोटका कारण कप्तान करिम बेन्जेमाले १९औं मिनेटमा मैदान छाड्नुपरेपनि उनको स्थानमा आएका जोभिकले एक गोल र अर्काे गोलको लागि असिस्ट दिदै आफ्नो बलियो उपस्थिति देखाए ।

रियाले एरिनामा शनिबार राति भएको खेलमा रियलले खेलको ४७औं मिनेटमा भिनिसियस जुनियरको गोलबाट अग्रता लिएको थियो । उनले लुका जोभिकको पासमा गोल गरेका थिए । जारी सिजनको ला लिगामा २१ वर्षीय भिनिको यो १६औं खेलमा १०औं गोल हो । उनले यो सिजन रियलका लागि उनको यो १२औं गोल हो ।

त्यसको १० मिनेटपछि जोभिकले गोल गर्दै रियलको अग्रता दोब्बर पारे । जोभिकले क्यासमिरोको पासमा गोल गरेका थिए । त्यसपछि थप गोल निस्कन नसक्दा रियलले जित निकाल् सफल भयो । जितसँगै रियल म्याड्रिडले शीर्षस्थानमा ८ अंकको अग्रता बनाएको छ ।

रियलको १६ खेलबाट ३९ अंक पुगेको छ । समान खेलबाटै दोस्रो स्थानमा रहेको सेभियाको ३१ अंक छ । रियल बेटिसको ३० तथा एक खेल कम खेलेको एट्लेटिको म्याड्रिडको २९ अंक छ । पराजित सोसिडाड २९ अंक जोडेर पाँचौ स्थानमा झरेको छ ।