2 years ago
January 12, 2022
एजेन्सी – स्पेनिस सुपर कपको पहिलो सेमिफाइनलमा आज (बुधबार) राति सिजनको दोस्रो ‘एल क्लासिको’ अर्थात बार्सिलोना र रियल म्याड्रिडबीच प्रतिस्पर्धा हुँदैछ ।
खेल साउदी अरवको रियादस्थित किङ फाद इन्टरनेसनल स्टेडियममा नेपाली समयअनुसार राति १२ः४५ बजे हुनेछ । यो खेल दुवै टोलीको लागि निकै विशेष हुनेछ ।
बार्सिलोनाको डगआउटमा मिडफिल्डरको मास्टर माइन्ड जाभी हर्नान्डेज तथा रियलको मैदानमा लुका मोड्रिच, क्यासमिरो र टोनी क्रुसको विश्व फुटबलको उत्कृष्ट मिडफिल्ड ट्रिओ रहनेछ । यि तीनैजनाले ठुलो सफलताको लागि धेरै वर्षसँगै खेल्दै थुप्रै उपाधि जितेका छन् । तर यिनीहरुले पहिलोपटक अर्काे मिडफिल्डर मास्टर जाभी हर्नान्डेजको सामना गर्दैछन् ।
यसर्थ साउदी अरबको रियादमा मिडफिल्डर मास्टर माइन्डको ‘ब्याटल’ हुनेछ । जाभी आँफै आन्द्रेस इनिस्टा र सर्जियो बुस्क्वेट्ससँगै फुटबलको उत्कृष्ट मिडफिल्ड ट्रिओको हिस्सार थिए । जसले एक पुस्ताको लागि सबै जितेका थिए ।
बुस्क्वेट्सले अझैपनि युवा खेलाडीसँगै क्याटलानको मिडफिल्ड सम्हालिरहेका छन् । अब बुस्क्वेट्सको साथमा प्रशिक्षक जाभी डगआउटमा हुनेछन् । जाभीले विरलै रियलको ट्रिओविरुद्ध खेले । तर, बुधबार रातिको खेल एक चाख लाग्दो ब्याटल नै हुनेछ ।
स्पेनिस जाभीले बार्सिलोनामा खेलाडीको रुपमा रहँदा रियल म्याड्रिविरुद्ध ४२ खेल खेले । जसमा १७ जित, १२ बराबरी र १३ हारको नतिजा छ ।
रियल म्याड्रिडले सिजनको पहिलो एल क्लासिकोमा बार्सिलोनालाई उसकै मैदानमा २–१ को जित निकाल्न सफल भएको थियो । बार्सिलोना आफ्नो प्रतिद्धन्द्धीबारे राम्रोसँग जानकार छ । बार्सिलोनाले जाभीलाई नियुक्त गर्न रोनाल्ड कोम्यानलाई बर्खास्त गरेको थियो ।
May 19, 2024
एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]