2 years ago
March 20, 2022
एजेन्सी – फ्रान्सेली लिग वन अन्तर्गत अंक तालिकाको शीर्ष स्थानमा रहेको पेरिस सेन्ट जर्मेन (पिएसजी) ले एएस मोनाकोसँग हार बेहोरेको छ । मोनाकोको घरेलु मैदानमा पिएसजी ३-० ले पराजित भएको हो । अर्जेन्टिनी फरवार्ड लिओनेल मेस्सीबिना उत्रिएको पिएसजीले अपेक्षित प्रदर्शन गर्न सकेन । मेस्सी र गोलरक्षक केलर नाभास रुघाखोकी लागेका कारण टोलीमा थिएनन् । पछिल्लो […]
एजेन्सी – फ्रान्सेली लिग वन अन्तर्गत अंक तालिकाको शीर्ष स्थानमा रहेको पेरिस सेन्ट जर्मेन (पिएसजी) ले एएस मोनाकोसँग हार बेहोरेको छ । मोनाकोको घरेलु मैदानमा पिएसजी ३-० ले पराजित भएको हो ।
अर्जेन्टिनी फरवार्ड लिओनेल मेस्सीबिना उत्रिएको पिएसजीले अपेक्षित प्रदर्शन गर्न सकेन । मेस्सी र गोलरक्षक केलर नाभास रुघाखोकी लागेका कारण टोलीमा थिएनन् । पछिल्लो तीन दिनयता मेस्सीको स्वास्थ्यमा समस्या देखिएको थियो । उनको अवस्था सुधारिदै गएको बुझिएको छ । उनी अर्को साता हुने विश्वकप छनोटका खेलका लागि अर्जेन्टिनाको टोलीमा समावेश छन् ।
आइतबारको खेलमा मोनाकोका लागि विसाम बेन येडरले २ तथा केभिन भोलन्डले १ गोल गरे । फरवार्ड किलियन एमबाप्पेले आफ्नो पूर्व टोलीविरुद्ध अपेक्षित प्रदर्शन गर्न सकेनन् । अर्का फरवार्ड नेयमार पनि कमजोर प्रदर्शन गरेपछि खेलको १५ मिनेट बाँकी हुँदा नै परिवर्तन भएका थिए ।
मोनाकोले २५ औं मिनेटमा येडरको गोलमा अग्रता बनाएको थियो । दोस्रो हाफको ६८ औं मिनेटमा भोलन्डले अग्रता दोब्बर पारे । ८४ औं मिनेटमा कप्तान येडरले पेनाल्टीमा गोल गर्दै सहज जित पक्का गरे । उनको पेनाल्टी गोलरक्षक जियानलुइजी डोनारुम्माको हातमा लाग्दै गोलमा परिणत भएको थियो ।
यस हारका बाबजुद पिएसजी अंक तालिकामा १५ अंकले अगाडी छ । पिएसजीले २९ खेल ६५ अंक जोड्दा मार्सेको २८ खेलमा मात्र ५० अंक छ । मोनाको २९ खेलमा ४४ अंकसहित सातौं स्थानमा छ ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]