2 years ago
March 31, 2022
उत्तम रिजाल, झापा दुई ए डिभिजन टोली दमक गोल्ड कप फुटबल प्रतियोगिताको उपाधिका लागि शुक्रबार भिड्दैछन् । उपाधिका लागि मनाङ मस्र्याङ्दी क्लब र नेपाल पुलिस क्लबले एक अर्काको सामना गर्दैछन्। दमक ३ स्थित प्रस्तावित मदन भण्डारी अन्तर्राष्ट्रिय रंगशालामा फाइनल दिउँसो ३ः०० बजे सुरु हुनेछ । पुलिस प्रतियोगिताको साविक विजेता हो । पुलिस उपाधि रक्षा र […]
उत्तम रिजाल, झापा
दुई ए डिभिजन टोली दमक गोल्ड कप फुटबल प्रतियोगिताको उपाधिका लागि शुक्रबार भिड्दैछन् । उपाधिका लागि मनाङ मस्र्याङ्दी क्लब र नेपाल पुलिस क्लबले एक अर्काको सामना गर्दैछन्। दमक ३ स्थित प्रस्तावित मदन भण्डारी अन्तर्राष्ट्रिय रंगशालामा फाइनल दिउँसो ३ः०० बजे सुरु हुनेछ ।
पुलिस प्रतियोगिताको साविक विजेता हो । पुलिस उपाधि रक्षा र मनाङ पहिलो पटक दमक गोल्डकप जित्ने लक्ष्यका साथ मैदानमा उत्रनेछ ।पुलिसले गोर्खा ब्वाइज स्पोर्टस क्लब रुपन्देहीलाई र मनाङले भारत दार्जिलिङको मानेभञ्ज्याङ फुटबल क्लबलाई समान १–० ले हराउँदै एकअर्कासँगको भेट पक्का गरेका थिए । दुवै टोलीले उपाधि जित्ने विश्वास लिएका छन् ।
बिहीबार प्रि म्याच कन्फ्रेन्समा मनाङका प्रशिक्षक राजेन्द्र तामाङले टोलीमा राम्रा खेलाडी रहेकाले जित निकाल्न सहज हुने बताए । उनले अघिल्लो संस्करणमा दमक गोल्ड कपमा भोगेको हारको बद्ला लिने अवसरका रुपमा लिएको पनि बताएका छन् । त्यस्तै कप्तान अन्जन विष्टले मोफसलका सबै खेल फाइनल खेल जस्तै भएको भन्दै आफ्नो टोलीले उपाधिका लागि प्रतिस्पर्धा गर्ने बताए ।
पुलिसका प्रशिक्षक अनन्त राज थापाले टोलीमा विदेशी खेलाडी नभएपनि आफ्नो टोली उपाधि रक्षाका लागि सक्षम रहेको बताए । पुलिसका कप्तान राम वाजेले पनि प्रशिक्षकसँग सहमति जनाउँदै उपाधि जित्ने विश्वास व्यक्त गरे । यसअघि २०७५ मा भएको दमक गोल्डकपको फाइनलमा मनाङलाई हराउँदै पुलिसले उपाधि जितेको थियो । दमक नगपालिकाका मेयर रोमनाथ ओली र उपमेयर गीता अधिकारीले दुवै टोलीलाई जितको शुभकामना दिए ।
दमक नगर खेलकुद विकास समितिले आयोजना गरेको गोल्डकपको विजेताले १३ लाख ११ हजार र दोस्रो टोलीले ६ लाख ११ हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले मोटरसाइकल प्राप्त गर्नेछन् । सर्वाधिक गोलकर्ता, उत्कृष्ट डिफेन्डर, उत्कृष्ट मिडफिल्डर, उत्कृष्ट फरवार्ड, उत्कृष्ट गोलरक्षक र उत्कृष्ट प्रशिक्षकले समान २१ हजार रुपैयाँ प्राप्त गर्ने छन् ।
April 29, 2024
एजेन्सी – पेरिस सेन्ट जर्मान (पिएसजी) ले १२औं पटक फ्रेन्च शीर्ष डिभिजन लिगको उपाधि जितेको छ । गएराती सम्पन्न खेलमा मो लियोन सँग ३-२ ले पराजित भएसँगै पिएसजी तीन खेल बाँकी छदै लिग विजेता बनेको हो । पिएसजीको यो लगातार तेस्रो लिग उपाधि हो । शनिबार ले हाभ्रे विरुद्ध ३-३ को बराबरी पछि पिएसजी मोनाको […]
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]