बोलोग्नासँग इन्टर मिलान स्तब्ध

एजेन्सी – सुरुवाती अग्रता जोगाउन नसक्दा शीर्ष दौडमा रहेको इन्टर मिलान इटालियन सिरी ‘ए’ मा स्तब्ध बनेको छ । इन्टर मिलान घरेलु टोली बोलोग्नासँग २–१ ले स्तब्ध बनेको हो ।

बोलोग्नामा बुधबार राति भएको खेलमा इन्टर मिलानलाई स्तब्ध पार्न घरेलु टोलीका मार्काे अर्नाउटोभिक र निकोला सानसोनले गोल गरे । इन्टर मिलानका इभान पेरिसिसको गोल सान्त्वना बन्यो ।

खेलको तेस्रो मिनेटमा नै इभान पेरिसिसको गोलबाट इन्टरले सुरुवाती अग्रता लिन सफल भएको थियो । उनले निकोला बरेल्लाको पासमा गोल गर्न सफल भएका थिए । तर, इन्टरले त्यो अग्रतालाई जोगाउन सकेन ।

एक गोलले पछि परेको बोलोग्नाले सम्हालिएको खेल पस्कदै २९औं मिनेटमा बराबरी गोल फर्काउन सफल भयो । मार्काे एर्नाउटोभिकले मुसा बारोको पासमा हेडर गोल गर्न सफलल भएका थिए । त्यसपछि दोस्रो हाफको अन्त्यतिर निकोला सानसोनले गोल गर्दै इन्टर मिलानलाई स्तब्ध पारे ।

यो हारसँगै इन्टर मिलानले शीर्षस्थानमा उक्लने मौका गुमाउँदा दोस्रो स्थानमा यथावत रहेको छ । इन्टरको ३४ खेलबाट ६२ अंक रहेको छ । शीर्षस्थानको एसी मिलानको ७४ अंक छ । इन्टर मिलानलाई हराएको बोलोग्ना ४२ अंक जोडेर १३औं स्थानमा रहेको छ ।

बोलोग्नासँग इन्टर मिलान स्तब्ध

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल