एजेन्सी – रोड्रिगो गोएसले रियल म्याड्रिडसँगको सम्झौता सन् २०२८ सम्मका लागि नविकरण गरेका छन् । उनको पारिश्रमिक वृद्धि हुनुका साथै रिलिज क्लज एक विलियन युरो राखिएको छ । रोड्रिगो र क्लबबीच सहमति गत साता नै भएपनि औपचारिक रुपमा नविकरण भने केहि दिन अघि भएको बताइएको छ । यद्दपी मिति भने खुलाइएको छैन ।

यसअघिको सम्झौतापछि उनी अर्को ३ सिजन रियलमा रहेछन् । उनको व्यवहार र प्रदर्शनकै कारण नयाँ नविकरण सम्झौता भएको बताइएको छ । अघिल्लो सिजनको अन्त्यमा भने उनको भविष्यलाई लिएर शंका गरिएको थियो । गत अप्रिल यता भने रियलको सफलतामा उनको भूमिका महत्वपूर्ण रहँदै आएको छ ।

त्यसयता उनले ७ गोल गर्नुका साथै १३ एसिस्ट गरेका थिए । जसमा उनको त्यस्ता ३ गोल गरेका छन् जसले रियल १४ औं पटक च्याम्पियन्स लिग विजेता बन्न सफल भएको थियो । उनले च्याम्पियन्स लिगको चेल्सीविरुद्धको क्वार्टरफाइनलको थप समयको गोल र म्यानचेस्टर सिटीविरुद्ध सेमिफाइनलमा २ गोल गरेका थिए ।

ठूलो सफलतापछि विदामा गएका रोड्रिगो नयाँ सिजनमा पहिलो रोजाईमा खेल्नेमा आशावादी छन् । यद्दपी त्यो सहज भने हुने छैन । तथापी पछिल्लो समयको प्रदर्शनका कारण मार्को एसेन्सियोको ठाँउ उनले लिने सम्भावना देखिएको छ । एसेन्सियोको भविष्य क्लबमा अनिश्चित जस्तै देखिएको छ ।

ब्राजिलियन फरवार्ड रोड्रिगोले चार सिजन रियलमा बताइसकेका छन् । त्यस क्रममा उनले ५ उपाधि जितेका छन् । जसमा एक च्याम्पियन्स लिग, दुई ला लिगा र दुई स्पेनिस सुपर कप रहेका छन् । उनी यसै वर्ष कतारमा हुने विश्वकपमा ब्राजिलबाट खेल्नेमा आशावादी छन् ।