2 years ago
September 12, 2022
काठमाडौं (हाम्रो खेलकुद) – नेपाली महिला राष्ट्रिय फुटबल टोलीकी फरवार्ड सावित्रा भण्डारीलाई डेंगी संक्रमण देखिएको छ । संक्रमण देखिएसँगै सावित्राले सोमबार हुने श्रीलंकाविरुद्ध खेल गुमाउने भएकी छिन् ।
फरवार्ड सावित्रालाई संक्रमण भएको टोलीकी फिजियो नविना श्रेष्ठ वैद्यले जानकारी दिइन् । ‘सावित्रालाई डेंगी लागेको छ । उनको स्वास्थ्य स्थिति राम्रो छ तर रिपोर्ट पोजेटिभ आएको हो । आजको खेल विश्राम गर्नेछिन् ,’ उनले जानकारी दिइन् । सावित्रासँगै गोलरक्षक प्रशिक्षक सुरज मोक्तानलाई पनि डेंगी लागेको छ ।
महिला राष्ट्रिय टोलीमा यसअघि विंगर मन्जली कुमारी योन्जनलाई पनि डेंगी संक्रमण भएको थियो । भुटानविरुद्ध पहिलो खेलको दिन ज्वरो आएपछि उनलाई विश्राम दिइएको थियो । भोलीपल्ट उनलाई संक्रमण देखिएको थियो । मन्जली सोमबार पनि अस्पतालमै छिन् । उनलाई मंगलबार डिस्चार्ज गर्ने तयारी भएको छ ।
सावित्राको स्वास्थ्य अवस्था सामान्य रहेकाले उनी टिम होटेलमै छिन् । उनले श्रीलंकाविरुद्ध खेलमा भने खेल्ने छैनन् । सावित्राले पहिलो खेलमा २ गोल गरेकी थिइन् । उनको अनुपस्थितिमा रेखा पौडेल र अमिशा कार्कीले टोलीको आक्रमण सम्हाल्ने सम्भावना रहेको छ ।
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]