8 months ago
February 6, 2024
एजेन्सी – कतारमा जारी एएफसी एसियन कपको पहिलो सेमिफाइनलमा आज जोर्डन र दक्षिण कोरिया भिड्दै छन् । खेल नेपाली समय अनुसार बेलुका ८:४५ बजे अहमद विन अलि स्टेडियममा सुरु हुने छ ।
जोर्डन र दक्षिण कोरिया समूह चरणमा एउटै समूहमा रहेका थिए । समूह चरणमा यी दुई टोली बीचको खेल २-२ को बराबरीमा सकिएको थियो । दक्षिण कोरिया दोस्रो हुँदै र जोर्डन तेस्रो हुँदै नकआउट चरणमा प्रवेश गरेका थिए । जोर्डनले अन्तिम १६ मा ईराक विरुद्ध ३-१ को जित निकालेको थियो भने क्वाटरफाइनलमा ताजिकिस्तान माथि १-० को जित दर्ता गरेको थियो ।
यस्तै दक्षिण कोरिया नाटकीय रूपमा दुई नकआउट खेलमा विजयी भएको थियो । कोरियाले दुबै खेलमा इन्ज्युरी समयमा गोल गर्दै अतिरिक्त समयमा खेल धकेलेको थियो । अन्तिम १६ मा साउदी अरेबिया माथि टाईब्रेकरमा जित निकालेको कोरियाले क्वाटरफाइनलमा अष्ट्रेलिया माथि अतिरिक्त समयमा गोल गर्दै जित दर्ता गरेको थियो ।
जोर्डन इतिहासमा पहिलो पटक एसियन कपको सेमिफाइनल खेल्दै छ । एसियामा बलियो टोलीका रूपमा रहेपनि दक्षिण कोरिया ६४ वर्ष पछि उपाधि उठाउने दाउमा छ ।
आजको विजेताले भोलि हुने कतार र इरान बीचको विजेता सँग उपाधिका लागि खेल्ने छ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]
