काठमाडौं (हाम्रो खेलकुद)- भारतसँग अर्को महिना हुने अन्तर्राष्ट्रिय मैत्रीपूर्ण खेलका लागि नेपाली राष्ट्रिय फुटबल टोलीको प्रारम्भिक टोलीमा ३५ खेलाडीलाई डाकिएको छ।

नेपाल र भारतबीच कात्तिक ९ गते (अक्टोबर २६) मा सिक्किममा मैत्रीपूर्ण खेल हुँदैछ। गत वर्ष काठमाडौंमा भएको साफ च्याम्पियनसिपको सेमिफाइनलपछि नेपाल र भारतबीच मैत्रीपूर्ण खेल हुन लागेको हो।

अखिल नेपाल फुटबल संघ (एन्फा) ले मुख्य प्रशिक्षक नियुक्त गरेको भोलिपल्ट नविन न्यौपानेले प्रारम्भिक टोलीको नाम सार्वजनिक गरेका हुन्।

साफ च्याम्पियनसिपमा भुटानसँगको खेलमा घाइते भएका हिरा भुजेल र दीपा शाहीलाई ३५ जनामा समेटिएको छ। यस्तै यु-१९ का खेलाडी पनि प्रारम्भिक चरणमा परेका छन्। हालै काँधको शल्यक्रिया गरेकी गीता राना टोलीमा छैनन्।

राष्ट्रिय टोलीको प्रारम्भिक चरण

गोलकिपर – एञ्जिला तुम्बापो सुब्बा, अन्जना राना मगर, उषा नाथ, सुशीला चौधरी, लिला जोशी

डिफेन्डर – निशा थोकर, समीक्षा घिमिरे, मन माया दमाई, प्रतिक्षा चौधरी, विमला विके, पूजा राना, अमृता जैशी, सजनी थोकर, हिरा कुमारी भुजेल, नेहा कुमारी चौधरी

मिडफिल्डर – विमला चौधरी, अनिता बस्नेत, रेनुका नगरकोटे, प्रीति राई, सरु लिम्बु, सबिता राना मगर, सरस्वती हमाल, चन्द्रा भण्डारी, अनीता केसी, हिम राउत, दीपा शाही, तुलसा बोहरा, सेनु परियार, शुक्रिया मियाँ

फरवार्ड – रश्मिकुमारी घिसिङ, रेखा पौडेल, मीना देउवा, पुर्णिमा राई, जेनिफर मगर, सावित्रा भण्डारी (साम्बा)