एजेन्सी – इङ्लिस प्रिमियर लिग (इपिएल) मा चेल्सी र म्यान्चेस्टर युनाइटेड पराजित भएको छन्। चेल्सीलाई ब्राइटनले ३-१ गोल अन्तरले हरायो।

खेलको २४ औं मिनेटमा फर्नान्डेजको गोलमा चेल्सीले पहिले अग्रता बनायो। १-० ले पछि परेको ब्राइटन सानदार पुनरागमन गर्न सफल रहयो।

७७ औं मिनेटमा ब्राइटनका वेलबेकले बराबरी गोल फर्काए। निर्धारित ९० मिनेटको खेल १-१ को बराबरीमा सकियो। इन्जुरी समय भने निकै रोमाञ्चक बन्यो। जहाँ ब्राइटनले २ गोल थप्यो।

डि क्युपेरले इन्जुरी समयको दोस्रो मिनेटमा र बेलबेकले इन्जुरी समयको दशौं मिनेटमा व्यक्तिगत दोस्रो गोल गरे। यो सँगै ब्राइटन चेल्सीलाई ३-१ को हार चखाउन सफल रह्यो।

ब्राइटन ८ अंक सहित अंक तालिकाको दशौं स्थानमा रहेको छ। उसले २ खेलमा जित, २ मा हार र २ मा बराबरी नतिजा निकालेको छ।

चेल्सीको यो दोस्रो हार हो। उसले २ खेलमा हार र समान खेलमा बराबरी नतिजा निकालेको छ। चेल्सी ८ अंक सहित गोल अन्तरको आधारमा लिगको आठौं स्थानमा रहेको छ।

अर्को खेलमा म्यानचेस्टर युनाइटेडलाई ब्रेनफोर्डले ३-१ को नतिजामा नै हरायो। ब्रेनफोर्डको जितमा थियागोले ८ औं र २० औं मिनेटमा दुई गोल गर्दै टिमलाई सुरूवातमा नै २-० को अग्रता बनायो।

युनाइटेड बेन्जामिन सेस्कोले खेलको २६ औं मिनेटमा एक गोल फर्का्ए।‌ तर जेनसेन्ले इन्जुरी समयमा गरेको गोलसँगै ब्रेनफोर्डले युनाइटेडंलाई ३-१ ले हरायो।
बेनफोर्ड ७ अंक सहित लिगको १३ औं स्थानमा छ। युनाइटेडको ७ अंक छ।

आजै भएको अर्को खेलमा लिड्स युनाइटेड र एएफसी बर्नमाउथ २-२ गोलको बराबरीमा रोकिएका छन्। बर्नमाउथ ११अंक सहित लिगको तेस्रो स्थानमा छ। लिड्ससँग ८ अंक रहेको छ।

सिटीको फराकिलो जित

म्यानचेस्टर सिटीले बर्नलीलाई ५-१ को फराकिलो अन्तरमा हराएको छ। सिटीको जितमा एर्लिङ हालन्डले २ होल गर्दा बर्नलीका म्याक्सिम इस्टिभले २ गोल उपहार दिए।

खेलको १२औं मिनेटमा म्याक्सिम इस्टिभले आत्मघाती गोल गरे। सिटीले यही गोलमा सुरूवातमा अग्रता बनायो। तर ३८ औं मिनेटमा बर्नलीले बराबरी गोल फर्काउन सफल रहयो। जेडन एनथोनीले गोल गरे। पहिलो हाफ १-१ गोलको बराबरीमा सकियो।

दोस्रो हाफ सिटीको लागि सुखद रहयो। म्याथ्युज न्युन्सको गोलमा सिटीले २-१ को अग्रता बनायो। ६५ औं मिनेटमा म्याक्सिम फेरि आत्मघाती गोल गर्न पुगे। खेल‌मा सिटीले ३-१ को स्पष्ट अग्रता बनायो।

सिटी यतिमा मात्र रोकिएन। हालान्डले ९० औं र इन्ज्युरी समयको तेस्रो मिनेटमा दुई गोल गरे। यो सँगै सिटी ५-१ को फराकिलो अन्तरको जित दर्ज गर्न सफल रहयो।

गत अगस्टमा लगातारको हारमा आलोचित बनेको सिटी अहिले लयमा फर्किएको छ। ६ खेलमा ३ जित, १ हार र २ बराबरी नतिजमा सिटी १० अंक सहित लिगको चौथो स्थानमा रहेको छ।

पराजित बर्नलीको यो चौथो हार हो। मात्र ४ अंक सहित लिगको १७ औं स्थानमा रहेको छ।

त्यसअघि लिडर लिभरपुलले इपिएलको जारी सिजनमा पहिलो हार भोगेको छ। क्रिस्टल प्यालेसले आज लिभरपुललाई २-१ गोल अन्तरले हरायो।

इस्माएला सारले नवौं मिनेटमा क्रिस्टल प्यालेसलाई सुरुवाती अग्रता दिलाए। यो गोलमा क्रिस्टल प्यालेसले पहिलो हाफमा १-० को अग्रता बनायो।

खेलमा फर्कन आतुर लिभरपुलले खेल सकिन ३ मिनेटमा बाकी छँदा बराबरी गोल फर्कायो। फेड्रिको चिइसाले गोल गरे। खेल १-१ गोलको बराबरीमा पुग्यो। खेल बराबरीमा सकिने संकेत देखियो। तर इन्ज्युरी समयको सातौं मिनेटमा इड्डी एनकेडियाले गोल गरे। यो सँगै क्रिस्टल प्यालेसले लिभरपुल विरूद्ध २-१ को जित हात पार्यो।

लिभरपुलको यो पहिलो हार हो। ६ खेलबाट ५ जित र एक हारको नतिजामा लिभरपुल लिगको शीर्षस्थानमा नै रहेको छ।

६ खेल खेलेको क्रिस्टल प्यालेसको यो तेस्रो जित हो। उसले ३ खेल बराबरीमा सकाएको छ। १२ अंक सहित क्रिस्टल प्यालेस लिगको दोस्रो स्थानमा रहेको छ।