एजेन्सी – च्याम्पियन्स लिगमा पेरिस सेन्ट जर्मेन (पिएसजी) ले बार्सिलोनामाथि २–१ को जित दर्ता गरेको छ।

एक गोलले पछि परेको अवस्थाबाट फर्किएको पिएसजीले चोटग्रस्त मुख्य खेलाडी नभए पनि अवे खेलमा सफलता प्राप्त गर्यो ।

बार्सिलोनाले खेलको राम्रो सुरुवात गर्‍यो। १९ औँ मिनेटमा मार्कस रासफोर्डले दिएको पासलाई फरान टोरेसले अफसाइड ट्रयाक बिट गर्दै गोल गरे ।

तर पिएसजी ले ३८ औँ मिनेटमा बराबरी गोल गर्‍यो। नुनो मेन्डेसले तीन डिफेन्डरलाई कटाउँदै दिएको पासमा १९ वर्षीय सेन्नी मायुलुले गोल गरे।

८३ औँ मिनेटमा परिवर्तित खेलाडी लि काङ इनको प्रहार पोस्टमा ठोक्कियो। ९० औँ मिनेटमा पिएसजीले निर्णायक गोल गर्‍यो।

अश्राफ हाकिमीको क्रसलाई अर्काे परिवर्तित खेलाडी गोनकालो रामोसले नजिकैबाट गोल गर्दै टोलीलाई २–१ को जित दिलाए ।

पिएसजी कप्तान मार्क्विन्होस , आक्रमण पंक्तिका उस्मान डेम्बेले, ख्विचा क्वारात्स्खेलिया र डिजाएर डुये विना खेलेको थियो ।

बार्सिलोना कप्तान फ्रेडी डे जोङले भने,
‘अन्तिम मिनेटमा गोल खाएर घरलु मैदानमा हार्नु निराशाजनक हो। सुरुवातमा हामी राम्रो थियौं तर दोस्रो हाफमा पिएजजी बलिया देखियो।’

च्याम्पियन्स लिगमा हिजोको नतिजा

बार्सिलोना १ – २ पिएसजी

बोरूसिया डर्टमन्ड ४-१ एथ्लेटिक बिलबाओ

आर्सनल २-० ऑलम्पियाकोस

मोनाको २–२ म्यानचेस्टर सिटी

जुभेन्टस २-२ भिल्लारियल

युनियन सेन्ट गिलोसी ०-४ न्युक्यासल

नेपोली २-१ स्पोर्टिङ

भिल्लारियल २-२ युभेन्टस

च्याम्पियन्स लिगको अंक तालिका