एजेन्सी – प्रिमियर लिगमा आज म्यानचेस्टर युनाइटेडले सन्डरल्यान्डलाई २-० ले हराउँदै महत्वपूर्ण ३ अंक जोडेको छ। युनाइटेडको जितमा मासोन माउन्ट र बेन्जामिन सास्कोले गोल गरे।

खेलको सुरुवातमा नै म्यानचेस्टर अग्रता बनाउन सफल रहयो। आठौं मिनेटमा मासोनले गोल गरे। १-० ले अगाडि बढेको युनाइटेडले खेलको ३१ औं मिनेटमा अग्रता दुगुना गर्न सफल रहयो। उसको लागि बेन्जामिनले गोल गरे। पहिलो हाफ २-० को नतिजामा सकियो।

सन्डरल्यान्ड दोस्रो हाफमा खेलमा फर्कन सकेन। युनाइटेड २-० को अग्रता जोगाउँदै खेल आफनो पक्षमा पार्न सफल रहयो।

७ खेल खेलेको म्यानचेस्टरको यो तेस्रो जित हो। टोली ३ खेलमा हार र एक खेलमा बराबरी नतिजा निकालेको छ। १० अंक सहित म्यानचेस्टर लिगको आठौं स्थानमा छ।

सन्डरल्यान्ड ११ अंक सहित लिगको छैटौं छ। उसले ७ खेलमा ३ मा जित तथा समान २ खेलमा हार र बराबरी नतिजा निकालेको छ।
आर्सनल र टोटनहमलाई सफलता

आर्सनल र टोटनहमले आज जित निकालेका छन् । आर्सनलले वेस्टहम युनाइटेटलाई २-० ले हरायो। आर्सनलको जितमा डेक्लान राइस र बुकायो साकाले गोल गरे।

खेल अवधिभर दबाब बनाएको आर्सनलले ३८ औं मिनेटमा अग्रता बनायो। वेस्टह्यामले गतिलो पोष्ट चार्ज समेत गर्न सकेन। पहिलो हाफमा आर्सनल १-० को अग्रता बनाउन सफल‌ रहयो।

वेस्टहम दोस्रो हाफमा पनि खेलमा फर्कन सकेन । यता आर्सनलले खेलको ६७ औं मिनेटमा प्राप्त पेनाल्टीमा साकाले गोल गरे।

मोहम्मद कुदुसको एक गोल र अर्को असिस्टमा टोटनहमले इङ्ल लिड्स युनाइटेडलाई घरेलु मैदानमा २-१ ले हराएको छ।‌

टोटनहमको जितमा अर्को गोल माथिस टेलले गरे। लिड्सको लागि नोआ ओकाफोरले सान्त्वना गोल गरे।
चौथो जित निकालेको टोटनहमसँग १४ अंक रहेको छ। लिड्ससँग भने ८ अंक मात्र रहेको छ।‌