म्याड्रिड (एजेन्सी) – बार्सिलोनासंगको एल क्लासिकोमा पुनः चोट बोकेका रियल म्याड्रिडका ग्यारेथ बेलले च्याम्पियन्स लिगको सेमिफाइनल खेल गुमाउने पक्का भएको छ ।
यसअघि करिब ३ महिना मैदान बाहिर बिताएका बेलले खेलमा पुनरागमन पछिको छोटो समयपछि पुनः चोट बोकेका थिए । च्याम्पियन्स लिगमा बायर्न म्युनिखसंगको पहिलो लेगमा घाइते भएका उनि दोस्रो लेगका लागि पनि उपलब्ध थिएनन् । त्यसपछि ला लिगामा बार्सिलोनासंगको २-३ को हारमा फर्किएका बेल पुनः चोटको सिकार भएका छन् ।
पिडौलाको मांसपेशी च्यातिएपछि उनले सेमिफाइनलको दुवै खेल गुमाउने रियल म्याड्रिडले जनाएको छ । बेल करिब १ महिना मैदान बाहिर रहने अनुमान लगाइएको छ ।
