म्याड्रिड (एजेन्सी) – स्पेनिस ला लिगा अन्तर्गत मंगलबार राती भएको खेलमा भिल्लारीयालले घरेलु टोली एटलेटिको म्याड्रिडलाई १-०ले पराजित गरेको छ।
रोबर्टो सोरियानोको ८२औं मिनेटको गोल निर्णायक सावित भएको खेलमा भिल्लारीयालका गोलरक्षक आन्द्रेस फर्नान्डेजले केहि उत्कृष्ट बचाऊ गरेका थिए। एटलेटिको अर्को सिजनबाट आफ्नो घरेलु मैदान सर्न लागेको अवस्थामा अन्तिम तिन खेल बाँकी रहेको छ। पछिल्लो ११ खेलमा अपराजित रहेको एटलेटिको म्याड्रिडको यात्रामा पनि पूर्णविराम लागेको छ।
यी २ टोलीबिचको पछिल्लो खेलमा पनि भिल्लारीयाल ३-० ले विजयी भएको थियो। पछिल्लो ६ भेटमा एटलेटिकोले जम्मा १ जित दर्ता गर्न सफल रहेको छ।
हारसंगै एटलेटिको बार्सिलोना र म्याड्रिडभन्दा ७ अंकले पछाडी परेको छ। उसको चौथो स्थानमा रहेको सेभिल्ला भन्दा ३ अंक बढी छ।
