‘अपराजित रहेर लिग उपाधि जित्नुपर्छ’ – मनाङका विंगर अन्जन

काठमाडौं (हाम्रो खेलकुद) – पल्सर सहिद स्मारक ए डिभिजन लिगको उपाधि विजेता मनाङ मर्स्याङदी क्लबका विंगर अन्जन विष्टले अपराजित रहेर उपाधि जित्ने लक्ष्य रहेको बताएका छन् ।

मनाङले बिहिबार लिगको दोस्रो स्थानमा रहेको सीएमजी क्लब संकटालाई ३-१ ले पराजित गर्दै लिग उपाधि पक्का गरेको हो । मनाङले लगातार ११ औं जित दर्ता गर्दै शत प्रतिशत जितको नतिजालाई पनि निरन्तरता दिएको छ । टोलीको लिग उपाधिमा महत्त्वपूर्ण भूमिका खेलेका विंगर अन्जन विष्टले भने अबको लक्ष्य अपराजित रहने बताएका छन् ।

‘यहाँसम्म सबैको संयुक्त मिहिनेतले आइपुगेका छौं । खेलाडी मात्र नभएर अफिसियलको हात पनि उत्तिकै छ । एक अर्कासँग हातेमालो गर्दै विश्वास कायम गरेर नै यो अवस्था आएको छ,’ उनले थपे, ‘ लिगमा अब २ खेल बाँकी छ । यी दुवै खेल जितेर हामी शत प्रतिशत जित नतिजासहित उपाधि जित्न चाहन्छौं ।’

अन्जनले पहिलो पटक लिग खेल्दा नै उपाधि जित्न सक्दा निकै खुसी व्यक्त गरे । ‘ मैले पहिलो पटक ए डिभिजन लिग खेलिरहेको छु । मोफसलका नकआउट प्रतियोगिता भन्दा निकै कठिन पाएँ । जुनसुकै टोलीले पनि लिगमा दबाब दिएको हुन्छ । हामीले एकतृत भएर नै यो सफलता हात पारेका छौं,’ विष्टले भने । अन्जनले जारी लिगमा ५ गोल गर्दै सर्वाधिक गोलकर्ता सुचिमा तेस्रो स्थानमा छन् ।

‘अपराजित रहेर लिग उपाधि जित्नुपर्छ’ – मनाङका विंगर अन्जन

Latest News

Popular News

फुटबल

च्याम्पियन्स लिगमा बार्सिलोनाको जित

म्यानचेस्टर सिटीको अर्को हार

च्याम्पियनसिप लिगमा लिभरपुल र रियलको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल