default_image

5 years ago

January 31, 2019

मनाङ इटहरी गोल्ड कपको फाइनलमा

इटहरी (हाम्रो खेलकुद)- साविकको उपविजेता सिग्नेचर मनाङ–मस्र्याङ्दी लगातार दोस्रोपटक दोस्रो मदन भन्डारी अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको फाइनलमा प्रवेश गरेको छ । सुनसरीस्थित इटहरी रंगशालामा बिहीबार भएको सेमिफाइनलमा मनाङले विभागीय नेपाल पुलिस क्लबलाई १–० ले पराजित गर्दै लगातार दोस्रोपटक प्रतियोगिताको उपाधि नजिक पुगेको हो । मनाङको जितमा ओलावाले अफिजले गरेको एक मात्र गोल नै […]

32 views

0 Bookmark

इटहरी (हाम्रो खेलकुद)- साविकको उपविजेता सिग्नेचर मनाङ–मस्र्याङ्दी लगातार दोस्रोपटक दोस्रो मदन भन्डारी अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको फाइनलमा प्रवेश गरेको छ ।

सुनसरीस्थित इटहरी रंगशालामा बिहीबार भएको सेमिफाइनलमा मनाङले विभागीय नेपाल पुलिस क्लबलाई १–० ले पराजित गर्दै लगातार दोस्रोपटक प्रतियोगिताको उपाधि नजिक पुगेको हो ।

मनाङको जितमा ओलावाले अफिजले गरेको एक मात्र गोल नै निर्णायक बन्यो । मनाङ अघिल्लो संस्करणको फाइनलमा रुस्लान थ्री स्टार क्लबसँग १–० ले पराजित हुदै उपविजेता बनेको थियो ।

पुलिसलाई पराजित गर्दै मनाङले पुस अन्तिम साता भएको खप्तड गोल्ड कपको क्वाटरफाइनलमा बेहोरेको हारको बदला लिएको छ । मनाङ त्यतिबेला पुलिसँग १–० ले पराजित भएको थियो ।

मनाङले खेलको सुरुवात देखि नै पुलिसमाथि दवाव सिर्जन गरेको थियो । तर, गोलको लागि ४३औं मिनेट कुर्नुपरेको थियो । ४३औं मिनेटमा विदेशी खेलाडी ओलावाले अफिजले डि–बक्स बाट एकल प्रयासमा गोल गर्दै मनाङलाई १–० ले अघि बढाएका थिए ।

त्यसअघि २९औं मिनेटमा अफिजको बक्सभित्रको प्रहार पोलमा लागेको फर्किएको थियो । ३४ औं मिनेटमा पुलिसका अभिषेका रिजालको प्रहार मनाङका गोलरक्षक विशाल श्रेष्ठले सहजै बचाइ ३९औ मिनेटमा अन्जन विष्टले उपलब्ध गराएका पासलाई ओलावालेले पोस्टको गति दिन सकेन । दोस्रो हाफमा थप गोल निस्कन नसक्दा मनाङ विजयी हुदै फाइनलमा पुग्न सफल भयो ।

अब मनाङले उपाधिका लागि शनिबार विभागीय त्रिभुवन आर्मी क्लबको सामना गर्नेछ । आर्मीले बुधबार मेची नेत्रालय काकरभिट्टा फुटबल ट्रेनिङ सेन्टर झापालाई ४–१ ले पराजित गर्दै फाइनलमा स्थान बनाइसकेको छ । प्रतियोगिताको विजेताले १६ लाख रुपैया हात पार्नेछ ।




March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.