5 years ago
February 3, 2019
एजेन्सी – जर्मन बुन्डेस लिगामा शीर्षस्थानमा रहेको बोरुसिया डर्टमन्ड बराबरीमा रोकिँदा साविकको विजेता बायर्न म्युनिखले हार बेहोरेको छ । बोरुसिया डर्टमन्ड घरेलु टोली फ्रान्कफर्टसँग १–१ गोलको बराबरीमा रोकिदा बायर्नले बायर लिभरकुसेनसँग ३–१ को हार बेहोरेको हो । फ्रान्कफर्टको घरेलु मैदानमा डर्टमन्डले खेलको २२औं मिनेटमा मार्काे रिउसको गोलबाट खेलमा अग्रता लिएको थियो । उनले राफायल गुरेरोको […]
एजेन्सी – जर्मन बुन्डेस लिगामा शीर्षस्थानमा रहेको बोरुसिया डर्टमन्ड बराबरीमा रोकिँदा साविकको विजेता बायर्न म्युनिखले हार बेहोरेको छ ।
बोरुसिया डर्टमन्ड घरेलु टोली फ्रान्कफर्टसँग १–१ गोलको बराबरीमा रोकिदा बायर्नले बायर लिभरकुसेनसँग ३–१ को हार बेहोरेको हो । फ्रान्कफर्टको घरेलु मैदानमा डर्टमन्डले खेलको २२औं मिनेटमा मार्काे रिउसको गोलबाट खेलमा अग्रता लिएको थियो । उनले राफायल गुरेरोको पासलाई गोलमा परिणत गरेका थिए ।
तर,डर्टमन्डको त्यो अग्रता लामो समय टिकेन । ३६औं मिनेटमा घरेलु टोलीका लुका जोभिकले बराबरी गोल फर्काए । उनले ड्यानी डि कोस्टको पासलाई गोलमा परिणत गरेका थिए । त्यसपछि थप गोल निस्कन नसक्दा दुव टोलीले १–१ अंक बाँडे ।
बराबरीपछि डर्टमन्डले ७ अंकको अग्रता बनाएको छ । डर्टमन्डको २० खेलबाट ४९ अंक पुगेको छ । दोस्रो स्थानमा रहेको बायर्नको समान खेलबाट ४२ अंक रहेको छ । फ्रान्कफर्ट ३२ अंकसहित पाँचौ स्थानमा छ ।
शनिबार नै भएको अर्काे खेलमा बायर्नले सुरुवाती अग्रता लिएरपनि बायर लिभरकुसेनसँग ३–१ को हार चाख्यो । हारसँगै बायर्नले शीर्ष स्थानमा रहेको डर्टमन्डसँगको अंक दुरी छोट्याउने मौका गुमाएको छ । बायर्न शीर्षस्थानको डर्टमन्डभन्दा ७ अंकले पछि परेको छ ।
बायर लिभरकुसेनको घरेलु मैदानमा बायर्नले खेलको ४१औं मिनेटमा लियोन गोरेट्जकाको गोलबाट खेलमा अग्रता बनाएको थियो । तर, बायर्न दोस्रो हाफमा घरेलु टोलीसँग निरिह देखियो । ५३औं मिनेटमा घरेलु टोलीका लियोन बेइलीले बराबरी गोल फर्काए ।
६३औं मिनेटमा केभिन भोलान्डले गोल गर्दै घरेलु टोलीलाइ २–१ को अग्रता दिलाए । खेल सकिन ३ मिनेट बाँकी रहँदा लुकास एलारियोले गोल गर्दै बायर्नलाई ३–१ को हार चखायो । जितसँगै बायर ३० अंक जोडेर सातौं स्थानमा उक्लिएको छ ।
बुन्डेस लिगाका अन्य खेलका नतिजाहरु :
ह्यानोभर विरुद्ध आरबी लेपिजिग (०–३)
होफेनहाइन विरुद्ध फोर्टुना (१–१)
हर्था बर्लिन विरुद्ध वल्सवर्ग (०–१)
नर्नवर्ग विरुद्ध वेडेर ब्रेमेन (१–१)
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]