5 years ago
February 25, 2019
काठमाडौं (हाम्रो खेलकुद) – नेपालको प्रतिनिधित्व गर्दै भारतको गुहावटिमा जारी डा.ता एओ अन्तराष्ट्रिय फुटबल प्रतियोगितमा सहभागिता जनाएको एन्फा यू-२१ टोलीले अन्तिम खेलमा नागाल्यान्डलाई ४-१ को फराकिलो अन्तरले पराजित गरेको छ । एन्फाको जितमा कप्तान अभिषेक रिजाल र रेजिन सुब्बाले २-२ गोल गरे ।
खेलको दोस्रो मिनेटमा नै रेजिन सुब्बाको गोलमा एन्फाले अग्रता लिएको थियो । नागाल्यान्डका लागि १५ औं मिनेटमा मिलू मिन्दीले बराबरी गोल फर्काए । अभिषेक रिजालले २९ औं मिनेटमा गोल गर्दै नेपाललाई पुन: अग्रता दिलाए । पहिलो हाफमा नेपालले २-१ को अग्रता लियो ।
दोस्रो हाफको ६३ औं मिनेटमा रेजिनले व्यक्तिगत दोस्रो गोल गर्दै नेपालको अग्रता दोब्बर पारे । ७४ औं मिनेटमा अभिषेकले अर्को गोल थप्दै नेपालको जित सुनिश्चित गरे । उनले प्रतियोगितामा ५ खेलमा ९ गोल गरे । ७७ औं मिनेटमा नेपालका राजन गुरुङ र नागाल्यान्डका मेजिबुक नामसुमले एक अर्कालाई हातपात गरेपछि रेफ्रीले दुवै खेलाडीलाई रातो कार्ड दिए ।
खेलमा उत्कृष्ट प्रदर्शन गरेका अभिषेक म्यान अफ द म्याच भए । नेपालले जितेको तीनै खेलमा अभिषेक म्यान अफ द म्याच बने । नेपालले ५ खेलमा ३ जित र २ हारसँगै ९ अंक जोड्यो । पहिलो खेलमा मेघालयसँग ३-२ ले पराजित नेपालले त्यसपछि त्रिपुरा र मणिपुरमाथि लगातार दुई खेलमा जित हासिल थियो । मिजोरमसँग ३-० ले पराजित हुँदै नेपाल प्रतियोगिताको समूह चरणबाट बाहिरिएको थियो ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]